საქართველოს შინაგან საქმეთა მინისტრს გიორგი გახარიას ხვალ პარლამენტში ელოდებიან. გახარიას დეპუტატების კითხვებზე პასუხების გაცემა მოუწევს, როგორც ცნობილი გახდა, აღნიშნულ პროცესს ხვალ ხორავას ქუჩაზე მოკლული დავით სარალიძის მამა ზაზა სარალიძეც დაესწრება.

„ევროპული საქართველოს“ ერთ-ერთი ლიდერის სერგი კაპანაძის განცხადებით, შს მინისტრს პასუხებისთვის თავის არიდება არ გამოუვა:

„ზაზასთან ერთად ვისაუბრეთ ამ საქმეზე. ხვალ შს მინისტრი მოდის პარლამენტში. მას არ გაუცია პასუხები იმ კითხვებზე, რაც საგამოძიებო კომისიამ დაუსვა. ზაზა იზიარებს პოზიციას და აინტერესებს ამ კითხვებხე პასუხის გაცემა. ხელისუფლება ცდილობს უპასუხოდ დატოვებით საზოგადოებრივი ყურადღება მოადუნოს. შს მინისტრს არ გამოუვა თავი აარიდოს პასუხებს და ერთგან თვალის ჩაკვრით და მეორეგან გაღიმებით არ გასცეს ყველაზე მნიშვნელოვან კითხვებს პასუხები",- განაცხადა კაპანაძემ.