"არ ვაპირებ დავესწრო იმ შეხვედრას, სადაც ვითომ ხალხის მიერ არჩეული პრეზიდენტი იქნება მთვარი მასპინძელი" - არასამთავრობო ორგანიზაციის პროტესტი ზურაბიშვილს

პოლიტიკა - 15:17, 20 Dec, 2018

1898

არასამთავრობო ორგანიზაცია "ახალგაზრდები ევროპული მომავლისთვის" ხელმძღვანელი მანანა ანდღულაძე სალომე ზურაბიშვილს პროტესტს უცხადებს და პრეზიდენტთან შეხვედრაზე უარს აცხადებს:

„დღეს 18:00 ქორთიარდ მერიოტში გაიმართება სალომე ზურაბიშვილსა და არასამთავრობო სექტორს შორის შეხვედრა, თემაზე: ცეესკოს ახალი ხელძღვანელის დანიშვნასთან დაკავშირებით. დამიკავშირდნენე პრეზიდენტის ადმინისტრაციიდან და მიმიწვიეს როგორც არასამთავრობო ორგანიზაციის ხემძღვანელი.მინდა გავაკეთო განცხადება და დავაფიქსირო ჩემი აზრი. არ ვაპირებ დავესწრო იმ შეხვედრას სადაც ვითომ ხალხის მიერ არჩეული პრეზიდენტი იქნება მთვარი მასპინძელი, რადგან მიმაჩნია რომ საქართველოში 2018 წლის 28 ოქტობრის არჩევნები გაყალბდა და ეს შეხვედრაც იქნება ფარსი სადაც მე მონაწილეობას არ მივიღებ.. მითუმეტეს როდესაც ორგანიზაცია თავად აკვირდებოდა არჩევნებს და უამრავი გაყალბებული ფაქტი იქნა აღმოჩენილი. ასევე მოვუწოდებ არასამთავრობო სექტორს უარი თქვას შეხვედრაზე სალომე ზურაბიშვილთან, რადგან ის არ ყოფილა ხალხის მიერ არჩეული პრეზიდენტი, ის არის ბიძინა ივანიშვილისგან დასმული პრეზიდენტად.“- ნათქვამია მანანა ანდღულაძის განცხადებაში.