გურჯაანის რაიონულ სასამართლოში ოპოზიციის ერთ-ერთი ლიდერის, დავით კირკიტაძის პროცესი ამ წუთებში მიმდინარეობს. სასამართლო მისთვის აღკვეთის ღონისძიების ფორმაზე მსჯელობს.

ბრალდება კირკიტაძისთვის წინასწარი პატიმრობის შეფარდებას ითხოვს და მიზეზად შესაძლო მიმალვასა და მოწმეებზე ზეწოლის მცდელობას ასახელებს.

ადვოკატმა თავის სიტყვაში წარმოთქვა, რომ მიმალვისა და მოწმეებზე ზეწოლის საფრთხე არ არსებობს და ასევე წაყენებულ ბრალში გაუგებარი სტანდარტია:

„არაერთი ბლოკპოსტი გაიარეს, ათასობით პოლიციელს შეხვდნენ და არ ყოფილა არანაირი შემხებლობა დათოს მხრიდან, ის კანონმორჩილია და რაც ვნახეთ არის ის, რომ სურდა უკანონოდ ჩახერგილი გზა გაეთავისუფლბინა. გაუგებარი სტანდარტია ბრალში. ამბობდით ავტობუსით იყო ჩახერგილია, ჩვენებაში კი პოლიცია ამბობს, რომ თურმე ავტობუსი შემთხვევით მოხვდა იმ ადგილზეო. დავითი არ სცნობს თავს დამნაშავედ. როდესაც პოლიციელების მხრიდან კონსტიტუციური უფლებების დარღვევა ხდება, ძირითადი უფლებების დარღვევისას პოლიცია ვერ იმოქმედებს კანონიერად. შესაბამისად ბრალის მუხლი არ შეესაბამება სიმართლეს. რაც შეეხება მიმალვის საფრთხეს, მას სამართლებრივი გადაცდომა არასდროს უფიქსირდებოდა. 2015-ში ის იყო ამერიკის შეერთებულ შტატებში. მაშინაც საუბრობდნენ მიმალვაზე, მაგრამ მაშინ სასამართლომ გაითვალისწინა მისი პიროვნება და არ შეუფარდა პატიმრობა. ის დაბრუნდა და სამი წელია პატიოსნად ცხადდება სასამართლოში. დიდი ალბათობით, იმ საქმეში გამამართლებელი განაჩენი გვექნება. ამ ფონზე მიმალვაზე საუბარი უსაფუძვლოა, მაშინ როცა ის თანამშრომლობს და მაშინ, როცა მამამისისა და ძმის წინააღმდეგ დაწყებულია დევნა. ის ამ საქმეზეც არ მიმალულა, თქვა, რომ სასამართლოს წინაშე მისცემდა ჩვენებას. მან მოინახულა გურჯაანში აქციისას დაშავებული და მაშინ დააკავეს. მიმალვის ვარაუდის დარწმუნებული ვარ თავადაც არ სჯერა ბრალდებას, ამ ადამიანმა თავისი ოლქი მოიგო არჩევნებში. რაც შეეხება მოწმეებზე ზემოქმედებას - ავტობუსს არანაირი ნიშანი არ ჰქონია. ბრალდება დაფუძნებულია პოლიციის ჩვენებაზე და მათივე კადრებზე, როგორ წარმოგიდგენიათ? პოლიციას დაუვლის და ეტყვის ასე თქვიო? საქმეში სხვა მოწმე არ არის. შეღწევის მცდელობა იყო იმიტომ, რომ უკანონოდ ცახერგილი გზა გაეთავისუფლებინა და არა ვინმესთვის მიეყენებინა შეურაცხყოფა. დღეს, აქ წყდება, ეკრძალება თუ არა ადამიანს კონსტიტუციით უზრუნველყპფილი უფლება თავოსუფლად გადაადგილდეს“, - აღნიშნავს ადვოკატი.