დაიკავებს თუ არა ცენტრალური საარჩევნო კომისიის თავმჯდომარის თანამდებობას მეორე ვადით თამარ ჟვანია?

ვრცელდება ინფორმაცია იმის შესახებ, რომ „ქართულმა ოცნებამ“ თამარ ჟვანიას მმართველი გუნდის სასარგებლოდ მუშაობის სანაცვლოდ კიდევ 5 წლით აღნიშნულ თანამდებობაზე ყოფნის უფლება მისცა.

ჟვანიას მეორე ვადით არჩევის წინააღმდეგია ოპოზიცია. მათი განცხადებით, თამარ ჯვანია არის ნათელი მაგალითი იმისა, თუ როგორი არ უნდა იყოს საარჩევნო ადმინისტრაციის ხელმძღვანელი. ამის დასტურად, მათ 2018 წლის საპრეზიდენტო არცევნები მოჰყავთ:

"ხელისუფლებას აწყობს ზუსტად ისეთი თავმჯდომარე, რომელიც მის დავალებებს შეასრულებს,"- აცხადებს საქართველოს ცენტრალური საარჩევნო კომისიის წევრი ”ერთიანი ნაციონალური მოძრაობიდან,” დავით კირთაძე.

საქართველოს ცენტრალური საარჩევნო კომისიის წევრი ”ევროპული საქართველოდან” დავით გურგენიძე, თამარ ჟვანიას საქმიანობის გამოძიების აუცილებლობაზე საუბრობს:

"დანაშაულები თუ დადასტურდება, ეს უნდა გამოიძიოს პროკურატურამ, დადასტურების შემთხვევაში, ძალიან დიდი კითხვის ნიშნები იქნება რა თქმა უნდა,"-აცხადებს დავით გურგენიძე.