გაერთიანებული ოპოზიციის ერთ-ერთი ლიდერი დავით კირკიტაძე მშრალ შიმშილობას განაგრძობს. რამდენიმე საათში გაირკვევა თუ რას შეუფარდებს აღკვეთის ღონისძიების სახით პოლიტიკოსს გურჯაანის რაიონული სასამართლო.

ბრალდება დაკავებულისთვის წინასწარი პატიმრობის შეფარდებას მოითხოვს. დაცვის მხარე კი დააყენებს შუამდგომლობას, ბრალდებულისთვის აღკვეთის ზომად გირაოს გამოყენების შესახებ. აღსანიშნავია, რომ დავით კირკიტაძეს თავდებში საქართველოს პარლამენტის 27 დეპუტატი იდგება, გაითვალისწინებს თუ არა სასამართლო აღნიშნულ გარემოებას, უახლოეს საათებში გახდება ცნობილი.

"პროკურატურა შუამდგომლობს დავით კირკიტაძის მიმართ სერცეული იქნას აღკვეთის ღონისძიებად დაპატიმრება, ჩვენ მიგვაჩნია რომ აღნიშნული შუამდგომლობა სამართლებრივი თვალსაზრისით არის დაუსაბუთებელი, უკანონო,"-აცხადებს კირკიტაძის ადვოკატი, გიორგი კონდახაშვილი.

დავით კირკიტაძე 17 დეკემბერს დააკავეს. მას ბრალი ოფიციალურად გუშინ, სსკ-ის 353-ე პრიმა მუხლით წარუდგინეს, რაც პოლიციელზე ტავდასხმას, ფიზიკურ შეურაცხყოფასა და ქონების დაზიანებას გულისხმობს.