"ძვირფასო ხელისუფლებავ, სიმართლე ჩვენს მხარესაა, პირველი დამნაშავე გახარიაა, რომელიც გაურიგდა კრიმინალებს და პოლიციას ღირსება დაუკარგა"

"ძვირფასო ხელისუფლებავ, სიმართლე ჩვენს მხარესაა, პირველი დამნაშავე გახარიაა, რომელიც გაურიგდა კრიმინალებს და პოლიციას ღირსება დაუკარგა" - დეკანოიძე

პოლიტიკა - 16:20, 19 Dec, 2018

1119

გურჯაანის რაიონულ სასამართლოსთან გაერთიანებული ოპოზიციის "ძალა ერთობაშიას" ლიდერები და მათი მხარდამჭერები დავით კირკიტაძის გათავისუფლების მოთხოვნით აქციას მართავენ.

"ერთიანი ნაციონალური მოძრაობის" წევრის ხატია დეკანოიძის თქმით, ის კრიმინალური სიტუაცია, რომელიც ქვეყანაშია შინაგან საქმეთა მინისტრის გიორგი გახარიას დამსახურებაა, რომელიც კრიმინალურ სინდიკატებთანაა გარიგებული.

"როდესაც შინაგან საქმეთა მინისტრი გზას უხერგავს არაკანონიერად მშვიდობიან მანიფენსტანტებს და მშვიდობიან მოსახლეობას, ეს რა თქმა უნდა, კვეთავს სამართლებრივ დანაშაულს და არასამართლებრივ ქმედებას შინაგან საქმეთა მინისტრის მხრიდან, პირველი დამნაშავე ვინც არის ამ ყველაფერში არის გახარია, რომელიც პოლიციის ღირსებაზე ლაპარაკობს, მაგრამ პოლიციას ღირსება მაშინ დაუკარგა, როდესაც ის კრიმინლაურ სინდიკატს გაურიგდა. როდესაც შენ მოძალადეები არ დაიჭირე, კორცხელში მოძალადეები არ დასაჯე, როდესაც კერძაიაზე მოძალადეები არ დასაჯე, არ გამოიძიე სარალიძის და რაფალიანცის საქმე არცერთ სერიოზულ საქმეზე პასუხი არ გაეცი ძალიან დიდი ბოდიში მაგრამ, არანაირი მორალური უფლება არ გაქვს ჩემთან მოხვიდე და რაღაცეებში დამადანაშაულო.
ამიტომ ძვირფასო ხელისუფლებავ, მორალური უპირატესობა ჩვენს მხარეზეა, ოპოზიციაა სიმართლის მხარეს და არა თქვენ. ეს არის ბრძოლა და ყველას ვერ დაგვიჭერენ, პირველ რიგში, როდესაც კანონზე მელაპრაკებიან მე და ჩემს მეგობრებს გაგვცენ პასუხი რატომ ჩახერგეს გზა, რატომ არ იჭერენ ზონდერებს და მოძალადეებს და როცა ამ კითხვებზე ექნებათ პასუხები, მაშინ მოვიდნენ და მორალურ უპირატესობებზე გვესაუბრონ. სიმართლე ჩვენს მხარესაა და უფრო და უფრო გაიზრდება ეს უპირატესობა.
გუშინ ჩვენი კიდევ ერთი აქტივისტი დააკავეს გარდაბანიდან, მინდა იცოდეს ხელისუფლებამ, არავის ეგონო, რომ ის ადამიანი ახლა მარტო იქნება, ჩვენ საქმის კურსში ვართ, ადვოკატებიც იქ არიან და სამართლებრივადაც რა თქმა უნდა, ვიცავთ, მაგრამ არავის ეგონოს, რომ ვინმე თუ საჯაროდ ცნობილია იმას უფრო მეტად დავიცავთ ვიდრე იმას ვინც არ არის ცნობილი. თითოეული ადამიანი, არის ჩვენთვის ღირსეული და ოქროს ფასი. ამიტომ არავის ეგონოს შეგვაშინებს" - განაცხადა ხატია დეკანოიძემ.