დედაქალაქის მერიამ სანიტარული ჭრა გამოაცხადა, რომლის ფარგლებშიც გვიან ღამით, 24-ე სკოლის მიმდებარედ „ეკო-სერვის ჯგუფის“ თანამშრომლებმა რამდენიმე ხე მოჭრეს.

ადგილზე თბილისის საკრებულოს ფრაქცია „ნაციონალური მოძრაობის“ წევრი ნიკოლოზ ვაჩეიშვილი იმყოფებოდა.

ვაჩეიშვილის განცხადებით, აღნიშნული ხეები სრულიად ჯანმრთელი იყო და მათი მოჭრის აუცილებლობის საკითხი არ იდგა.

„მერიას აქვს ტრადიცია, რაღაცას დააანონსებენ, ვითომ კარგ საქმეს დაიწყებენ და მერე აღმოჩნდება რომ ყველაფერი უკუღმაა. ვაგებთ სადაც დასაგები არაა გზებს, ვჭრით ხეებს, სადაც მოსაჭრელი არაა და მილიონები იხარჯება. საქმე კეთდება იმის კისერზე, რომ ეს ხეები აღარ იქნება,“-ამბობს ვაჩეიშვილი.

მერიის ინფორმაციით კი, დაგეგმილი სანიტარული ჭრის შედეგად დედაქალაქში სულ 20 ათასი ხე უნდა მოიჭრას.