"ეს არ უნდა გადატყდეს მხოლოდ კირკიტაძეზე, არამედ სხვებზეც, რომლებიც ამას აქეზებდნენ"

"ეს არ უნდა გადატყდეს მხოლოდ კირკიტაძეზე, არამედ სხვებზეც, რომლებიც ამას აქეზებდნენ" - ნუკრი ქანთარია

პოლიტიკა - 00:13, 19 Dec, 2018

871

პარლამენტის ფრაქცია ქართული ოცნების წევრის, ნუკრი ქანთარიას განცხადებით, გაერთიანებული ოპოზიციის მიზანს ინაუგურაციის ჩაშლა წარმოადგენდა.

ქანთარიას განცხადებით, გამოძიების შემდეგ კონკრეტული პირები პასუხისგებაში უნდა მიეცენ. მათ შორის, იყო აგრესია სამართალდამცავების და დეპუტატების მიმართ.

„ვფიქრობ, რომ ეს არ უნდა გადატყდეს მხოლოდ კირკიტაძეზე, არამედ სხვებზეც, რომლებიც ამას აქეზებდნენ და ამ ხალხს აყენებდნენ ასეთ მდგომარეობაში. შენ თუ გინდა დაუმორჩილებლობა, შენ თუ გინდა რევოლუციისკენ წასვლა, ერთი მხრივ, რევოლუციაზე და დამხობაზე ლაპარაკობ, რომელსაც ამსტერდამიდან გიკიჟინებენ და თან ესეც არ გინდა გააკეთო და თან ისიც არ გინდა, მაშინ თუ აკეთებდა კირკიტაძე, თუ შეგნებულად წავიდა, მას უნდა სცოდნოდა, რომ ამაზე პასუხს აგებს,“ - ამბობს ქანთარია.

ნუკრი ქანთარია ასევე ეხმაურება რუსთავი2-ზე გასულ კადრებს, რომელიც საარჩევნო უბნებზეა გადაღებული და სავარაუდოდ, გაყალბების ფაქტებზეა საუბარი. ნუკრი ქანთარიას თქმით, არჩევნების შედეგები არ გაყალბებულა.

"ეს არჩევნები რომ არ იყო ანკარა არჩევნები და ძალიან მაღალი სტანდარტის არჩევნები, ესსხვებმაც თქვეს, სტუმრებმაც თქვეს, მაგრამ შედეგზე ამ ხარვეზებს გავლენა არ ჰქონია. სალომე ზურაბიშვილი იყო გამარჯვებული მეორე ტურში საკაოდ დიდი სხვაობით," - ამბობს ქანთარია.

ნუკრი ქანთარიას თქმით, ოპოზიციის მიერ მიტინგებსა და რევოლუციაზე საუბრის დროს იმალება ქვეყანაში არსებული ბევრი ისეთი პრობლემური საკითხი, რის განსახილველადაც ოცნება მზად არის.

ამასთან, ნუკრი ქანთარია ავთო ვარსემაშვილთან მომხდარ ინციდენტს ადასტურებს, თუმცა, არ აკონკრეტებს გავრცელებულ ინფორმაციას, მართლაც დაჭრა თუ არა მან ის ზურგში.

წყარო: rustavi2.ge