ოპოზიციის ბრალდებებს სახელმწიფო უსაფრთხოების უფროსი ვახტანგ გომელაური პასუხობს. მისი თქმით, ოპოზიციის წარმომადგენლები აცხადებენ, რომ ბოლო დღეების განმავლობაში მათ სუსი უთვალთვალებს და აკონტროლებს, თუმცა, ეს ასე არ არის:

"არანაირი საგანგებო რეჟიმი, რა თქმა უნდა, არ არის. ბატონმა მელიამ რომ განაცხადა, სუს-ის თანამშრომლები არიანო, ესენი იყვნენ პოლიციის თანამშრომლები. მათი ხელმძღვანელი მოვიდა და თქვა, რომ ესენი ჩვენი თანამშრომლები არიან, არ არიან უსაფრთხოების თანამშრომლებიო. ჩვენ ჩართულები არ ვიყავით, ეს დაკავება იყო თუ… ეს არის სრული აბსურდი. არაერთხელ მომხდარა ეს დაბრალება-გადაბრალება, რომ სუს-ი გვითვალთვალებს, სუს-ი გვისმენს, სუს-ი დაგვყვება, თუმცა, არც ერთი ფაქტი არ დაუდიათ," - აღნიშნა სუს-ის უფროსმა.