ბუტა რობაქიძის საქმეზე სასამართლომ დღეს განაჩენი გამოიტანა და საქმეზე ოთხ ბრალდებულს 5 წლიანი პატიმრობა, ზაზა ბაქრაძეს კი პირობითი მსჯავრი შეუფარდა. აღნიშნულს საქართველოს პარლამენტის იურიდიულ საკითხთა კომიტეტის თავმჯდომარე ეკა ბესელია ეხმაურება.

„დედას ერთადერთი უდანაშაულო შვილი მოუკლეს. ეს იყო უმძიმესი ტრაგედია. ამდენი წელი გავიდა და სამართალს ეძებდა ოჯახი. სამართლის აღსრულება განსაკუთრებით მნიშვნელოვანია, როცა ასეთი შედეგი დადგა. მე კიდევ ერთხელ ვუსამძიმრებ ოჯახს და მსურს, ვანუგეშო. წლების განმავლობაში გამოჩენილი სიმტკიცისთვის განსაკუთრებით მინდა, გამოვხატო ჩემი თანადგომა ბუტა რობაქიძის მშობლების მიმართ“, – განაცხადა ეკა ბესელიამ.