„ერთიანი ნაციონალური მოძრაობის“ დეპუტატმა სალომე სამადაშვილმა, იურიდიულ საკითხთა კომიტეტი პროტესტის ნიშნად დატოვა. აღნიშნულის მიზეზი, დღეს კომიტეტზე განვითარებული მოვლენები გახდა.

სამადაშვილის განცხადებით, კომიტეტი არ ასრულებს საკუთარ ფუნქციებს და დეპუტატებს საკუთარი პოზიციის დაფიქსირების შესაძლებლობა არ ეძლევათ და ამიტომ, კომიტეტში დარჩენის საფუძველს ვერ ხედავს.

შეგახსენებთ, რომ დღეს იურიდიულ საკითხთა კომიტეტზე ოპოზიციის წევრებსა და კომიტეტის თავმჯდომარეს შორის სიტყვიერი დაპირისპირება მოხდა.