აჭარის მთავრობის თავმჯდომარე თორნიკე რიჟვაძე განმარტებებს აკეთებს. ის ეხმაურება რამდენიმე დღის წინ თავისივე განცხადებებს. რიჟვაძემ ერთი კვირის წინ განაცხადა, რომ პირადად იძიებდა შურს ყველაზე, ვინც აჭარელი ხალხის შეურაცხყოფას გაბედავდა.

აჭარის მთავრობის თავმჯდომარის განმარტებით, ქართული ხელისუფლების ბრძოლის მეთოდები არის პოლიტიკური და ამ მეთოდებით ყველა უღირს ადამიანს გაეცემა პასუხი.

"ჩვენი ბრძოლის მეთოდები არის, რა თქმა უნდა, ყოველთვის პოლიტიკური განსხვავებით ჩვენი ოპონენტებისა. თუმცა, კიდევ ერთხელ უნდა გავიმეორო, რომ ადამიანისათვის ღირსება არის უმთავრესი და შესაბამისად, სწორედ ამ პოლიტიკური მეთოდებით ყველა ასეთ უღირს ადამიანს გავცემთ პასუხს,"-ამბობს თორნიკე რიჟვაძე.