„დამნაშავე ხელისუფლებამ დანაშაულში ჩაითრია უდანაშაულო მოქალაქეები და ქვეყანა გახადა დამნაშავე“

„დამნაშავე ხელისუფლებამ დანაშაულში ჩაითრია უდანაშაულო მოქალაქეები და ქვეყანა გახადა დამნაშავე“ - ნატო ჩხეიძე

პოლიტიკა - 11:55, 18 Dec, 2018

2039

დეპუტატი ნატო ჩხეიძე თბილისის მერის, კახა კალაძის ოპოზიციის მისამართით გაკეთებულ განცხადებას, იმ ხელისუფლების დედა ვატირე, გრიგოლ ვაშაძე გადატრიალებას რომ დაუპირებსო, სოციალურ ქსელში ეხმაურება და „ფეისბუქში“ წერს:

„სერიიდან: ის, რაც ხდება.

მერი ვეღარ მერობს. ნეტავ სულ ასეთი ლექსიკა ჰქონდა თუ არჩევნების მიმდინარეობისას შავქურთუკიანთა პატივისცემამ წაახალისა?“

ამასთან, ნატო ჩხეიძე 16 დეკემბერს კახეთში განვითარებულ მოვლენებსაც აფასებს და ასევე, სოციალურ ქსელში წერს:

„- შენ საით, ვისკენ, სადა ხარ?..

- დამარცხებულის მხარეზე!”

მურმან ლებანიძის ეს სტროფი გაგახსენდება, რაც ამ ბოლო ხანის საქართველოს რეალობას უყურებს ადამიანი.

ეს რეალობა ხელისუფლებამ შექმნა.

დამნაშავე ხელისუფლებამ დანაშაულში ჩაითრია უდანაშაულო მოქალაქეები და ქვეყანა გახადა დამნაშავე.

პარლამენტის პარტიულ აგიტატორ თავმჯდომარეს თავის თავი და თავისი პარტია გამარჯვებული ჰგონია.

არადა, როგორც ბევრი სხვა ყველაფერი, არც ის იციან, რომ პოეტები ადამიანური არსებობის ფსიქოლოგიას ატევენ სტროფებში და ეს კითხვა-პასუხი:

„ - შენ საით, ვისკენ, სადა ხარ?

- დამარცხებულის მხარეზე” ,