ჯარისკაცი მეთაურს ძალადობაში ადანაშაულებს - რას ამბობენ თავდაცვის სამინისტროში

პოლიტიკა - 09:52, 18 Dec, 2018

1188

სამხედროს შესაძლო ცემის ფაქტზე თავდაცვის სამინისტროს სამხედრო პოლიციამ გამოძიება 387-ე მუხლით დაიწყო, რაც სამხედრო მოსამსახურის ძალადობაზე პასუხისმგებლობას გულისხმობს.

საქმე ეხება დავით ბერიშვილის განცხადებას, რომელიც თავდასხმაში ვიცე-პოლკოვნიკ ელგუჯა ბიბინიძეს ადანაშაულებს.

თავდაცვის სამინისტროში აცხადედებენ, რომ სამხედროს დათხოვა დისციპლინური დარღვევის გამო მოხდა.

"ახალგაზრდა დაწყებითი საბრძოლო მომზადების კურსს გადიოდა. ის 10 დეკემბრიდან კარანტინში იმყოფებოდა. როგორც მეთაური აცხადებს, არანაირ ფიზიკურ ძალკადობას ადგილი არ ჰქონია. რაც შეეხება მის გათავისუფლებას, ახალგაზრდა დისციპლინარული სასჯელის გამო გაათავისუფლეს.

რაც შეეხება დაზიანებებს, რომელზეც ის მიუთითებს, სამხედრო პოლიციამ უკვე დაიწყო გამოძიება 387-ე მუხლით, რომელიც ითვალისწინჯებს პასუხისმგებლობას სამხედრო მოსამსახურის შეურაცხყოფისათვის. გამოძიების ფარგლებში ჩატარდება ექსპერტიზები და თუ ვინმეს ბრალეულობა გამოიკვეთება ის კანონის წინაშე აგებს პასუხს"- უთხრეს "ნიუპოსტს" უწყების პრესსამსახურში.

ბოლო ინფორმაციით, სამხედროს ჯანმრთელობის მდგომაროება სტაბილურია. დავით ბერიშვილი ამ დრომდე რეგიონულ ჰოსპიტალში მკურნალობს. მას ქალა ტვინის დახურული ტრავმა და ტვინის შერყევა აღენიშნება.