„დავით კირკიტაძე არ არის ფარცხალაძე და ივანიშვილის წრის წევრი და რა თქმა უნდა, უნდა დაიჭირონ..."- გრიგოლ ვაშაძე

პოლიტიკა - 18:50, 17 Dec, 2018

1355

გაერთიანებული ოპოზიციის ლიდერს, გრიგოლ ვაშაძეს არ უკვირს რომ სამართალდამცავებმა დავით კირკიტაძე აიყვანეს, რადგან ვაშაძის შეგასებით კირკიტაძე არ არის ბიძინა ივანიშვილის გუნდის წევრი და აქვს კანონიერი მოთხოვნები.

„დავით კირკიტაძე არ არის ფარცხალაძე, დავით კირკიტაძე არ არის ბიძინა ივანიშვილის უახლოესი წრის წევრი და, რა თქმა უნდა, უნდა დაიჭირონ. დავით კირკიტაძე არ არის ის ზონდერები, რომლებიც დაგვახვედრეს გურჯაანთან და რომლებმაც, თითქმის, სასიკვდილოდ სცემეს ჩვენი ორი მხარდამჭერი ჩაქუჩებით, რომლებიც ახლა გურჯაანის საავადმყოფოში არიან. დავით კირკიტაძე არ არის ადამიანი, ვინც სხვებთან ერთად სახელმწიფო ბიუჯეტს ხერხავს და, შესაბამისად, არ აქვს იმუნიტეტი. ამიტომ, რა თქმა უნდა, დავით კირკიტაძე უნდა დააკავონ, როდესაც მას კანონიერი პროტესტი ჰქონდა იმაზე, რომ დაგვახვედრეს განუსაზღვრელი რაოდენობით პოლიცია და არ მოგვცეს საშუალება, მშვიდობიანი, ზუსტად ისეთივე, როგორც 2018 წლის 2 დეკემბერს ჩავატარეთ რუსთაველზე, ისეთი მშვიდობიანი მანიფესტაციის ჩატარების, და შემდეგ დაშლის და სახლში დაბრუნების, რაც გავაკეთეთ,“- განაცხადა გრიგოლ ვაშაძემ.