"ჩვეულებრივი პროვოკატორები ხართ"- გიორგი ვაშაძე "ქართულ ოცნებასა" და შს მინისტრს მიმართავს

პოლიტიკა - 18:21, 17 Dec, 2018

861

გაერთიანებული ოპოზიცია მათივე თანაგუნდელის, დავით კირკიტაძის დაკავებას პროვოკაციას უწოდებს.

გაერთიანების სახელით განცხადება დღეს გიორგი ვაშაძემ გააკეთა და შინაგან სამეთა სამინისტრო სიცრუის გავრცელებაში დაადანაშაულა.

რაც შეეხება კირკიტაძის ადგილსამყოფელსა და მდგომარეობას გიორგი ვაშაძე ამბობს, რომ საკითხს ადგილზე გაერთიანებული ოპოზიციის ლიდერები არკვევენ.

"შინაგან სამეთა სამინისტრო და "ქართული ოცნება" კვლავ მიდის პროვოკაციაზე - დაკავებულია ჩვენი ერთ-ერთი ლიდერი, დავით კირკიტაძე. ჩვენი გუნდის წევრები იმყოფებიან გურჯაანში ზუსტად ვადგენთ მის ადგილსამყოფელს და ამაზე მკაცრი რეაგირება გვექნება" - განაცხადა გიორგი ვაშაძემ.

გაერთიანებული ოპოზიციის ერთ-ერთი ლიდერის თქმით, შინაგან სამეთა სამინისტრო ცრუის, როცა ამბობს, რომ გუშინ ოპოზიციას საშუალება ჰქონდა ავტომობილებით გადაადგილებულიყო თელავისკენ.

"საქართველოს კონსტიტუციით ჩვენ გვქონდა გადაადგილებისა და შეკრებისა და გამოხატვის თავისუფლება. კანონით - შეკრებისა და მანიფესტაციების შესახებ ჩვენ თელავში უპრობლემოდ მისვლის უფლება გვქონდა. მათ ადმინისტაციული აქტი უნდა გამოეცათ, თუ სურდათ ავტომობილების გადაადგილება შეეზღუდათ. დაბნელდა ამ ქვეყანაში? - ეს აქტი ჩვენთვის ხო უნდა ეცნობებინათ?! სად არის სამართლებრივი აქტი, რითაც თქვენ გზა ჩახერგეთ? რომელი დოკუმენტით?"- თქვა ვაშაძემ.
მისი თქმით, ოპოზიცია დაემორჩილა შეზღუდვების შესახებ გავრცელებულ განცხადებას, როცა გომბორის მიმართულებით გადაადგილებაზე უარი განაცხადა.
"თუ უსაფრთხოების მიზნით კეტავდით საჯაროდ უნდა გამოგეცათ ადმინისტრაციული აქტი. მე პირადად გაცნობეთ პარასკევს დილით, რომ 9 საათზე თბილისიდან ავტომობილები დაიძრებოდა თქვენ კი კანონგარეშე მოქმედებდით. თქვენ ჩაიდინეთ უკანონობა. შესაბამისად, აქციის მონაწილეებს ჰქონდათ უფლება გაეთავისუფლებინათ გზა და თელავისკენ გაეგრძელებინათ გზა" - აღნიშნა ვაშაძემ.
გაერთიანებული ოპოზიციის ლიდერის თქმით, შს სამინისტრო შერჩევით სამართალს ატარებს. ამ კონტექტსში მან მარნეულში განვითარებულ მოვლენებზე, ონში გრიგოლ ვაშაძის შტაბის ხელმძღვანელის დაჭრის ფაქტზე და ველისციხეში მოქლაქის ცემის ფაქტზე გახარიას უწყებას რეაგირება არ მოუხდენია.

"კანონმდებლობის ყველა მუხლი დარღვეულია თქვენი მხრიდან. არცერთ პუნქტს არ იცავთ. მოგიწოდებთ დარჩეთ კანონის ფარგლებში. პოლიციის თანამშრომელთა ფორმაში ჩაცმული პირები პოლიციელებად არ ითვლებიან, რადგან არ არსებონდა არავითარი აქტი, რომ ისინი იქ უნდა მდგარიყვნენ და გზა ჩაეხერგჰათ"- განმარტა გიორგი ვაშაძემ.

მისი თქმით, შს სამინისტრო პრობოკაციების მოწყობით არის დაკავებული:
"თქვენ, ჩვეულებრივი პროვოკატორები ხართ"- აღნიშნა ვაშაძემ.