"შსს კრიმინალ გახარიას ხელშია... როცა ქვეყანაში დემოკრატია არ არის, ხალხი იწყებს მის აღდგენას და ეს უნდა იცოდეს გახარიამ და ხელისუფლებამ"

"შსს კრიმინალ გახარიას ხელშია... როცა ქვეყანაში დემოკრატია არ არის, ხალხი იწყებს მის აღდგენას და ეს უნდა იცოდეს გახარიამ და ხელისუფლებამ" - ბაჩუკი ქარდავა კირკიტაძის დაკავებაზე

პოლიტიკა - 18:04, 17 Dec, 2018

1429

გაერთიანებული ოპოზიციის წევრი, "ეროვნულ დემოკრატიული პარტიის" ლიდერი, ბაჩუკი ქარდავა დავით კირკიტაძის დაკავებას აფასებს.
ქარდავა გაერთიანების სხვა ლიდერებთან ერთად გურჯაანში, კირკიტაძესთან ერთად იმყოფებოდა, როცა "ნაციონალური მოძრაობის" წევრი დააკავეს.

ედპ-ს ლიდერი ამბობს, რომ გაერთიანებული ოპოზიციის ლიდერებს სახელმწიფო უსაფრთხოების სამსახური დღეს მთელი დღის განმავლობაში უთვალთვალებდა.

"მას შემდეგ, რაც კახეშში შემოვედით, სუსი-ის თანამშრომლები გვითვალთვალებდნენ, პარლამენტის წევრსა და გაერთიანებული ოპოზიციის ლიდერებს. ვიყავით საავადმყოფოში, ეს ავტომობილი შემოგვყვა საავადმყოფოში, სადაც ჩვენი აქტივისტი მოვინახულეთ, რომელიც მძიმედ არის ნაცემი. მას შემდეგ, რაც თბილისის მიმართულებით დავიძარით, აღნიშნული ავტომობილი ისევ გამოგვყვა. ჩვენი ერთ-ერთი ავტომობილი საწვავის ჩასასხმელად გაჩერდა, სუს-ის წარმომადგენლები დაიბნენ და გაჩერდნენ, რა დროსაც ბატონმა ნიკა მელიამ და დავით კირკიტაძემ ეს ადამიანები ამხილეს. ისინი "დაიწვნენ", რომ თვალთვალისთვის იყვნენ მოჩენილები. საბოლოო ჯამში, გაიტაცეს დავით კირკიტაძე"- აღნიშნავს ბაჩუკი ქარდავა.

"ეროვნულ დემოკრატიული პარტიის" ლიდერი ამბობს, რომ თვალთვალი დანაშაულია.

ბაჩუკი ქარდავა ასევე სიცრუეს უწოდებს შს სამინისტროს განცხადებას, რომლის მიხედვითაც კირკიტაძემ სამართალდამცავებს წინააღმდეგობა გაუწია.

"ეს არის სიცრუე, ჩვენ გვაქვს ვიდეო-კადრები, ლაივ რეჟიმში მიმდინარეობდა ჩაწერა. შინაგან საქმეთა სამინისტროს განცხადებას რაც შეეხება, ის, ენას ძვალი არ აქვს პრინციპით მოქმედებს. შსს, სტრუქტურა მეცოდება კრიმინალი გახარიას ხელში, იმიტომ, რომ ის ყოველდღიურად უშვებს შეცდომებს. გახარიამ პოლიტიკოსების დევნა დაიწყო. ამ ქვეყანაში ოფიციალურად აუქმებენ დემოკრატიას. მაშინ როდესაც ქვეყანაში დემოკრატია არ არის, ხალხი იწყებს მის აღდგენას და მის დაბრუნებას. ეს უნდა იცოდეს გახარიამ და საქართველოს ხელისუფლებამ"- თქვა ბაჩუკი ქარდავამ.