"ეს ძალიან მალე დაგასრულებს, გახარია! წარსდგები მართლმსაჯულების წინაშე"- ნიკა მელია კირკიტაძის დაკავებას აფასებს

პოლიტიკა - 17:48, 17 Dec, 2018

2143

გაერთიანებული ოპოზიციის ლიდერები დავით კირკიტაძის დაკავებას ეხმაურებიან. "ნაციონალური მოძრაობის" პოლიტიკური საბჭოს თავმჯდომარე, ნიკა მელია პირობას დებს, რომ "გიორგი გახარია ამის გამო კანონის წინაშე დაისჯება".

მელია ამბობს, რომ ოპოზიციის ლიდერებს მთელი ის პერიოდი, რაც მათ გურჯაანში დაყვეს უთვალთვალებდნენ.
მისი თქმით, ოპოზიციამ მოახერხა, რომ სუს-ის წარმომადგენლები ემხილა.
"მე ერთ-ერთ მათგანს კამერების წინ გამოვართვი ტელეგონი, სადაც ბოლო ზარი იყო განხორციელებული პირთან, რომლის სახელი ტელეგონში ეწერა როგორც "სუსი 1". ეს იყო გურჯაანის სუს-ის პირველი პირი. 15-20 წუთში კრიმინალური პოლიცია მოვარდა, ამ ავტომობილიდანაც გადმოხტნენ, მათ შორის პრესსამსახურის წარმომადგენელიც, ისინი მალავდნენ სახეს... ამის შემდეგ დათო კირკიტაძე გაიტაცეს"- აცხადებს ნიკა მელია.
მისი თქმით, შემთხვევის ადგილიდან 30 მეტრში "ის მოძალადეები ცხოვრობენ, რომლებიც ფიზიკურად გაუსწორდნენ შოთა დალაქიშვილს.
"ამ ადამიანებმა ცხვირ-პირი დაულეწეს ახალგაზრდა კაცს, იმათ კი არ აკავებენ, რომლებიც გურჯაანსა და ველისციხეში ცხოვრობენ... აი ეს არის ის, რაც ძალიან მალე დაგასრულებს ბატონო გახარია. პასუხს აგებ ყველაგერზე, წარსდგები მართლმსაჯულების წინაშე, ეს არის ორჯერ ორი ოთხი. შენ იმდენი დამოკლეს მახვილი აიკიდე, ეს ძალიან მწარედ შემოგიბრუნდება"- აღნიშნა ნიკა მელიამ.