კონსტიტუციის ფეხქვეშ გათელვა და ოპოზიციის წინააღმდეგ მუქარა - გიგი უგულავა გურჯაანის მოვლენებზე პაუხიმგებლობას ხელისუფლებას აკისრებს

პოლიტიკა - 15:21, 17 Dec, 2018

916

"ევროპული საქართველო" ბოლო პერიოდში განვითარებულ მოვლენებს სპეციალური ბრიფინგით ეხმაურება. მოძრაობის ერთ-ერთი ლიდერის გიგი უგულავას განცხადებით, ხელისუფლებამ ტოტალურად განსხვავებული აზრი გამოიტანა არჩევნების შედეგებიდან.
მისი თქმით, ხელისუფლებამ "საქართველოს მოსახლეობის პრაქტიკულად ნახევარს უთხრა, რომ ისინი ამ ქვეყნის მოქალაქეები არ არიან და მათი პროტესტი შეიძლება რაღაც ერთი მუჭა ხალხის პროტესტად განიხილებოდეს.
გიგი უგულავას თქმით, ხელისუფლების უმაღლესი პირები ძალადობას ახალისებენ. უგულავას განცხადებით, ბიძინა ივანიშვილის წინააღმდეგ ხმა 900 ათასმა ადამიანმა მისცა.
"რაც ვიხილეთ საარჩევნო უბნებში, ის გულის ამრევი მდგომარეობა, როცა საარჩევნო ყუთებში ბიულეტენები ყარეს, ეს თითქოს არაფერია. ოპოზიციის წარმომადგენელი ონიდან დღეს სიკვდილს ებრძვის, მისი და მისი ოჯახის ტკივილი არაფერია. ის რაც მოხდა ახალქალაქში თითქოს არაფერია და ტექნიკური რაღაცაა და ერთმანეთს შორის გარჩევა იყო. მეტიც ჩვენ დავინახეთ, როგორ უტიფრად წაახალისა პარლამენტის თავმჯდომარემ ეს ძალადობა. გუშინ კი ვიხილეთ, ხელსიუფლების მხრიდან კანონისა და კო0ნსტიტუციის უგულველყოფა. ამაზე პასუხისმგებლობა ეკისრება გახარიას, რომელმაც ღარიბაშვილის საუკეთესო მეთოდით დაუწყო მუქარა ოპოზიციას და საზოგადოების ძალიან მნიშვნელოვან ნაწილს მუქარით საუბარი. გუშინ პოლიციას ჰქონდა უკანონო და პოლიტიკურად მოტივირებული დავალება, რომ აზრის გამოხატვისთვის ხელი შეეშალათ"- აღნიშნა უგულავამ.
მისი თქმით, "კონსტიტუციის ფეხქვეშ გათელვის შემხდეგ, ხელისუფლება მოქალაქეებისა და ოპოზიციის წარმომადგენელთა მისამართით მუქარას არ ერიდება.
"ეს ძალიაან სახიფათოა ქვეყნის განვითარებისთვის და თითოეული მოქალაქის მომავლისთვის. ხელისუფლების წარმომადგენლებმა უნდა გააცნობიერონ, რომ ბიძინა ივანიშვილის წინააღმდეგ ხმა 900 ათასმა ადამიანმა მისცა. ეს არის ძალიან დიდი რაოდენობა - ეს ადამიანები ამბობენ, რომ ყველაფერზე ვართ მზად ოღონდ ქვეყნის სათავეში ივანიშვილი არ იყოსო. ამის გამოსწორების ერთადეღთი საშუალება პროპორციული არჩევნებია"- თქვა "ევროპული საქართველოს" ლიდერმა.