რუსული ავიაკომპანია "პაბედა" დიდი რუსეთის მოყვარულ ქართველ მფრინავს დასაქმებას სთავაზობს

პოლიტიკა - 15:00, 17 Dec, 2018

1306

Georgian Airways-ის მფრინავმა, რომელიც ფრენებიდან რუს ავიამეთვალყურეებთან არაფორმალური საუბრის გამო მოხსენს სამსახურის ახალი შეთავაზება მიიღო. რუსული ავიაკომპანიის „პაბედას“ გენერალური დირექტორი ანდრეი კამიკოვი მოსკოვის მოყვარულ მფრინავს დასაქმებას სთავაზობს:

„ძვირფასო გენაცვალე! მედიაში წერენ, რომ თქვენ ფრენებიდან რუსეთისადმი დიდი სიყვარულის გამო მოგხსნეს, გიწვევთ, რომ გაიაროთ ტესტირება „პაბედაში“ და დაიწყო ფრენები ჩვენი ახალი თვითმფრინავებით Boeing 737NG და 737MAX. ჩვენ ძალიან ვაფასებთ თქვენს პროფესიონალიზმს და იუმორის შესანიშნავ გრძნობას.“- წერს კალმიკოვი.

შეგახსენებთ, Georgian Airways-ის მფრინავი, ცნობილი, როგორც „პატარა ქართველი“ ფრენებიდან დროებიტ მოხსნეს. მიზეზი გახდა On.ge-ის მიერ გამოქვეყნებული საუბრის ჩანაწერი, სადაც მფრინავი რუს ავიამეთვალყურეს, „დიდ რუსეთს“ მიმართავს და სიყვარულს უხსნის „დიდ მოსკოვს“.

"დიდო მოსკოვო, დილა მშვიდობისა! TGZ 930. პატარა ქართველი ძირს ეშვება და მოგესალმებათ თქვენ, საყვარელო მოსკოვო"

„ქართველები თქვენი დახმარებით და მხარდაჭერით ყოველთვის ყველაფერს მოასწრებენ. თუ სომეხიც დაგვემატება, ჩვენ 100%-ით რაიხსტაგთანაც მივალთ“ - მიმართავს მფრინავი რუს დისპეტჩერებს.

აღსანიშნავია, რომ ავიაკომპანია „პაბედა“ წარმოადგენს „აეროფლოტის“ შვილობილ კომპანიას და ბაზირებულია მოსკოვის აეროპორტ „ვნუკოვოში. ის შეიქმნა 2014 წელს კომპანია „დობროლეტას“ სანაცვლოდ, რომელმაც ფრენები ევროკავშირის სანქციების გამო შეწყვიტა, სანქციების ქვეშ ის ანექსირებულ სიმფეროპოლში განხორციელებული რეისების გამო მოექცა.