შინაგან საქმეთა სამინისტროს საპატრულო პოლიციის დეპარტამენტის უფროსისი, თეიმურაზ კუპატაძის განცხადებით, შს სამინისტრო გარდა უსაფრთხოებისა და მართლწესრიგის დაცვისა, არაფერს არ გეგმავს. მისივე თქმით, ისინი გეგმავდნენ, აქციის მონაწილეების სპეციალური ავტობუსებით გადაყვანას.

„შინაგან საქმეთა სამინისტრო არაფერს არ გეგმავს, გარდა უსაფრთხოების და მართლწესრიგის დაცვისა. ვხედავთ პროვოკაციებზე მოდის გარკვეული ჯგუფები. ჩვენ ვართ იმიტომ რომ აღვკვეთოთ და არ მოხდეს რაიმე ინციდენტი. ჩვენ მივუთითეთ მათ და მივეცით მარშრუტი, რა მარშრუტით უნდ წასულიყვნენ. არავის თავისუფალი გადაადგილება ჩვენ არ შეგვიზღუდია. ყვარლის გავლით მოხვდებოდნენ ეს ადამიანები თელავში, ის რაოდენობა მანქანების შესაბამისად, თელავში რომ შესულიყო, ეს გამოიწვევდა კოლაფსს, ამიტომ ჩვენ ნაწილს შევუშვებდით თელავში, დანარჩენი ორგანიზებული გვქონდა მინიბუსები და ასევე ავტობუსები, რითიც მოხდებოდა ამ ადამიანების დანიშნულების ადგილამდე მიყვანა, მშვიდად და უსაფრთხოდ,“ - განაცხადა კუპატაძემ.