თელავისკენ მიმავალ ოპოზიციას გურჯაანშიც გზა გადაუკეტეს. აღნიშნულს გაერთიანებული ოპოზიციის წევრებს, მხარდამჭერებსა და სამართალდამცავებს შორის შელაპარაკება და დაძაბულობა მოჰყვა.

აქციის მონაწილეებმა გზის გარკვეული ნაწილის გათავისუფლება შეძლეს:

"თელავამდე არის 40 კმ დარჩენილი. მერე იტყვიან მელია რატომ ჩხუბობსო?! და რა გავაკეთოთ, არ გადავწიოთ ძალისმიერი მეთოდებით ესენი? ჩვენს კონსტიტუციური უფლებას არღვევენ. მთელმა საქართველო იცის რა ძალადობას ჰქონდა ადგილი და ახლა მთელმა საქართველომ ვიცით და დავინახეთ საკუთარი თვალებით როგორ გააყალბეს მასიურად არჩევნები. იდენტიფიცირებულები არიან დამნაშავეები. ნაცვლად იმისა, რომ დამნაშავეებს აკავებდნენ, იმ ადამიანებს მშვიდობიან დემონსტრანტებს, რომლებიც ჩავჯექით მშვიდად მანქანაში, გავეშურეთ თელავისკენ, მოვითხოვეთ ადგილი, გვითხრეს არაო. გზად გვითხრეს წადით გურჯაანით და უცებ ვხედავთ ვიღაც ზონდერებს, რომლებიც დაგვხვდნენ და აგურები გვესროლეს. და ახლა გვეუბნებიან წადით ყვარელითო. სინამდვილეში არიან დამფრთხლები,"-განაცხადა ნიკა მელიამ.