ნატო-საქართველოს კომისიის სხდომა - შედეგები საქართველოს საგარეო საქმეთა მინისტრის მოადგილემ შეაჯამა, ვახტანგ მახარობლიშვილი დედაქალაქში გვიან ღამით დაბრუნდა. მახარობლიშვილმა შეხვედრაზე საქართველოს 2018 წლის წლიური ეროვნული პროგრამის შეფასების დოკუმენტი წარადგინა.

სხდომაზე საქართველოს ოკუპირებულ ტერიტორიებზე არსებული მდგომარეობა, რუსეთის აგრესიული ქმედებები და შავი ზღვის რეგიონის უსაფრთხოების საკითხები განიხილეს.

„ერთმნიშვნელოვნად დაფიქსირდა, რომ საქართველო წინ მიდის და ძალიან წარმატებით ახორციელებს იმ რეფორმებს, რომელიც არის გათვალისწინებული სამოქმედო გეგმით,“- განაცხადა ვახტანგ მახარობლიშვილმა.