"ჩვენი სახელმწიფოებრიობის აქტივის გაფლანგვა დანაშაული იქნება" - დავით რაქვიაშვილი ეროვნული უშიშროების საბჭოს გაუქმებას ემოციური პოსტით ეხმაურება

პოლიტიკა - 17:15, 13 Dec, 2018

828

უშიშროების საბჭოს მდივანი დავით რაქვიაშვილი ამბობს, რომ მიმდინარე წლის 16 დეკემბერს არსებობას შეწყვეტს 1995 წელს დამოუკიდებელი საქართველოს პირველი კონსტიტუციით შექმნილი ეროვნული უშიშროების საბჭო.
რაქვიაშვილი ხელისუფლების მიერ გაქუმებული უწყებაის მოვალეობებსა და მიღწევებს არჭერს:

"- იყო ჩვენი სახელმწიფოებრივობის ერთერთი უმნიშვნელოვანესი ატრიბუტი;

- ჩვენი ქვეყნის განვითარების ყველაზე რთულ პერიოდებში, ყველა ეტაპზე და ყველა ხელისუფლების პირობებში ერთგულად ემსახურა სამშობლოს;

- ფორმალური დანიშნულებითაც და არსებითადაც იყო სახელმწიფოს მესვეურთა აზრთა გაცვლის, შეჯერების და უმნიშვნელოვანესი პოლიტიკური გადაწყვეტილებების შემუშავების ადგილი;

- ქმნიდა ეროვნული უსაფრთხოების სფეროს სტრატეგიულ ინტელექტუალურ რესურსებს;

- აყალიბებდა ერთიან ეროვნულ მიდგომას უსაფრთხოების საკითხებისადმი;

მადლობას ვუხდი ყველას, ვინც 22 წლის განმავლობაში ემსახურა ამ ინსტიტუტს, ჩვენს ქვეყანას და იყო ამ უმნიშვნელოვანესი პროცესის - დამოუკიდებელი საქართველოს ეროვნული უსაფრთხოების სისტემის მშენებლობის თანამონაწილე.

ეს ყოველივე მხოლოდ ისტორიის კუთვნილება არაა. ეს ყოველივე ჩვენი სახელმწიფოებრიობის აქტივია რომლის გაფლანგვა დანაშაული იქნება"- აღნიშნავს რაქვიაშვილი.