საქართველოს არჩეული პრეზიდენტის სალომე ზურაბიშვილის ინაუგურაცია 16 დეკემბერს თელავში ცატარდება. გაერთიანებული ოპოზიცია კი თელავში ამავე დღეს აქციას ჩაატარებს. აღნიშნულს საქართველოს პარლამენტის თავმჯდომარე ირაკლი კობახიძე ეხმაურება:

„რაც შეეხება ოპოზიციის აქციას, ეს არის მათი კონსტიტუციული უფლება, თუმცა იმედს ვიტოვებ, რომ ისინი არ მოიქცევიან, როგორც გუშინ მოიქცა ნიკა მელია, ეს იქნება პასუხისმგებლიანი პოლიტიკოსისთვის შესაფერისი საქციელი, თუმცა „ნაცმოძრაობისგან“ მაინც და მაინც პოზიტიური მოლოდინი არ გვაქვს ხოლმე ზოგადად. ინაუგურაციის ჩატარებას არანაირი დაბრკოლება არ შეექმნება, ის ჩატარდება ისე, როგორც არის გათვალისწინებული,“ – განაცხადა ირაკლი კობახიძემ.