ზუგდიდის საჯარო სკოლის დირექტორის გარდაცვალების საქმე - განათლების სამინისტრო მზად არის შესაბამის საგამოძიებო უწყებებთან ითანამშრომლოს. მმართველი გუნდის ნაწილმა შესაბამის ორგანოებს გამოძიებისთვის ერთ თვიანი ვადა მისცეს. განათლების მინისტრის მოადგილის განცხადებით, უწყება დეპოლიტიზირებულია, თუმცა მზად არის ყველა კითხვას პასუხი გასცეს.

„ჩვენ ვართ მზად ყველა მხარესთან თანამშრომლობისთვის და ეს არის ცალსახა და ვემიჯნებით ყველანაირ პოლიტიზირებას. მე ამ შემთხვევაში ვერც დავადასტურებ, ვერც გამოვრიცხავ ვერანაირ ფაქტს. ყველა პროცედურებით, შინაგანი გამოკვლევა იქნება თუ ვინმე სხვა უწყების სახალხო დამცველის ინტერესი იქნება და კითხვები ექნებათ, რომელზეც პასუხი სჭირდებათ, ჩვენი ცალსახა პოზიცია არის ის, რომ მზად ვართ თანამშრომლობისთვის,“ - განაცხადა განათლების მინისტრის მოადგილე ლევან ხარატიშვილმა.