საქართველოს ნატო-ში გაწევრიანება - რუსეთის საგარეო საქმეთა სამინისტრო იენს სტოლტენბერგისა და აშშ-ის სახელმწიფო მდივნის მაიკ პომპეოს განცხადებებს ეხმაურება და აღნიშნულს პროვოკაციულს უწოდებს. ლავროვის უწყების განცხადება, ჟენევის დისკუსიების მორიგი რაუნდის შემდეგ გავრცელდა:

„აფხაზეთისა და სამხრეთ ოსეთის საქართველოსთან საზღვრებზე არსებული ვითარება დისკუსიის ყველა მონაწილის მიერ, აღიარებული იყო როგორც სტაბილური. საზღვრის გადაკვეთის სტატისტიკუს მიხედვით, გადაადგილების თავისუფლებასთან დაკავშირებით სერიოზული პრობლემები არ არის. პროვოკაციულად მივიჩნევთ ნატო-ს გენერალური მდივნისა და აშშ-ს სახელმწიფო მდივნის განცხადებებს საქართველოს ნატო-ში გაწევრიანების მხარდაჭერის შესახებ. ზუსტად ასეთმა უპასუხისმგებლო მესიჯებმა 2008 წლის აგვისტოში თბილისი წააქეზა დანაშაულებრივი სამხედრო ავანტიურა განეხორციელებინა“, - აცხადებენ რუსეთის ფედერაციის საგარეო საქმეთა სამინისტროში.