"არჩევნები იყო უთანხმოების გამომწვევი და ატარებდა ცხარე პოლიტიკურ რიტორიკას"

"არჩევნები იყო უთანხმოების გამომწვევი და ატარებდა ცხარე პოლიტიკურ რიტორიკას" - ჯეიმს აპატურაი გრიგოლ ვაშაძეს შეხვდა

პოლიტიკა - 18:15, 12 Dec, 2018

937

ნატოს გენერალური მდივნის სპეციალური წარმომადგენელი გაერთიანებული ოპოზიციის საპრეზიდენტო კანდიდატს, გრიგოლ ვაშაძეს შეხვდა.

აპატურაიმ საარჩევნო პროცესში გამოთქმული არაერთი უკმაყოფილების შესახებ ისაუბრა.

აპატურაი ამბობს, რომ ყველა პარტიამ ურთიერთპატივისცემა უნდა გამოხატოს და მთავარია პოლიტიკოსებმა საზოგადოებას მოუსმინოს.

„მრავალი წელია ბატონ ვაშაძეს ვიცნობ. ჩემი პოლიტიკური გზავნილი არის ის, რაც სხვა შეხვედრებზეც გამოვთქვი. არჩევნები იყო უთანხმოების გამომწვევი და ატარებდა ცხარე პოლიტიკურ რიტორიკას.

მაგრამ ახლა დროა ქვეყანა ერთად დადგეს და ყველა პარტიას სცენ პატივი, რომ ერთმანეთთან პატივსაცემი საუბარი ჰქონდეთ.

ნატოს მოკავშირეებს სწამთ, რომ საზოგადოების ყველა ელემენტი ერთად უნდა დადგეს. იმიტომ ვხვდები არასამთავრობო ორგანიზაციებსაც, რომ, გვინდა მოვუსმინოთ საზოგადოების ყველა ელემენტს, და ასევე გვინდა, რომ საზოგადოების ყველა ელემენტსაც მოუსმინონ,“- განაცხადა ჯეიმს აპატურაიმ.

გრიგოლ ვაშაძის განცხადებით, შეხვედრაზე სამი ძირითადი თემა განიხილეს. საპრეზიდენტო არჩევნები,პოლიტიკურ-სოციალური და ეკონომიკური მდგომარეობა ქვეყანაში, საქართველოს ნატოში გაწევრიანების პერსპექტივები და უსაფრთხოების საკითხები.