რესტორან "წისქვილში" მომხდარ სისხლიანი გარჩევა - საპატრულო პოლიციის უფროსი თეიმურაზ კუპატაძე ადასტურებს, რომ სამართალდამცავები შემთხვევის ადგილზე დაგვიანებით მივიდნენ.

მისივე თქმით, ამის მიზეზი საპატრულო პოლიციაში დაგვიანებით შესული შეტყობინება გახდა.

"გიორგი ყანჩაველთან დაკავშირებით გამოცხადებულია ძებნა და შესაბამისად, მიმდინარეობს საგამოძიებო მოქმედებები. ეს მოხდა წყნეთში, როგორც მოგეხსენებათ. ჩვენთან შემოსული შეტყობინების შემდეგ, რამდენიმე წუთში გამოცხადდა ადგილზე ეკიპაჟი, მაგრამ რესტორნის თანამშრომლებმა გააკეთეს გამოძახება, რომლებმაც გვიან გაიგეს. როდესაც ეს პიროვნებები გადიოდნენ და მანქანაში ჩაჯდნენ, მათ ნახეს სისხლის კვალი. ამის შემდეგ გაიგეს, რომ იქ იყო რაღაც ინციდენტი მომხდარი. და სანამ ეკიპაჟი მივიდა იქ ადგილზე არავინ აღარ დაგვხვდა" - აღნიშნა თეიმურაზ კუპატაძემ.