საქართველოს პარლამენტის თავმჯდომარემ ირაკლი კობახიძემ ბიუროს სხდომაზე სასოფლო-სამეურნეო მიწების გასხვსებასთან დაკავშირებით საკონსტიტუციო სასამართლოს გადაწყვეტილებაზე კომენტარი გააკეთა. კობახიძის თქმით, პრეზიდენტის ინაუგურაციის შემდეგ, ახალი კონსტიტუციის ამოქმედებისთანავე, სასოფლო-სამეურნეო მიწებთან დაკავშირებით მორატორიუმი აბსოლუტური ფორმით ამოქმედდება:

“კვირა დღეს აბსოლუტური ფორმით აღდგება მორატორიუმი გამომდინარე კონსტიტუციის ახალი რედაქციიდან, რომელიც ძალაში შევა სწორედ ინაუგურაციის შემდეგ. აქედან გამომდინარე, დამატებით ამ საკითხის განხილვის საჭიროებას ვერ ვხედავ. რაც შეეხება საზოგადოების ვნებათაღელვას, ამ საკითხის თაობაზე საზოგადოებას თუ მივაწვდით სწორ ინფორმაციას, ამ შემთხვევაში ვნებათაღელვაც არ იქნება. საზოგადოებას უნდა ვუთხრათ, რომ კვირა დღიდან მორატორიუმი აღდგება აბსოლუტური ფორმით, თუ ეს ეცოდინება საზოგადოებას, ამ შემთხვევაში ვნებათაღელვაც არ იქნება”, – განაცხადა კობახიძემ.