"ოცნების" ხელისუფლება სკანდალში ეხვევა: "ვაშინგტონი ღრმად შეშფოთებულია ელჩის არყოლის გამო"

"ოცნების" ხელისუფლება სკანდალში ეხვევა: "ვაშინგტონი ღრმად შეშფოთებულია ელჩის არყოლის გამო" - აშშ-ის ელჩის მოვალეობის შემსრულებელი

პოლიტიკა - 21:09, 11 Dec, 2018

2886

ამერიკის შეერთებული შტატების ელჩის მოვალეობის შემსრულებელი საქართველოში აცხადებს, რომ ვაშინგტონი უკიდურესად შეშფოთებულია იმით, რომ ამ დრომდე არ ჰყავს ელჩი და იმითაც, რომ დანიშვნის პროცესი მომავალ წელს გადაიწევს.

როს უილსონი, ამბობს, რომ ის "ფორინ პოლისის" სტატიაზე კომენტარს ვერ გააკეთებს.

„შემიძლია გითხრათ ის, რომ ვაშინგტონი ღრმად შეშფოთებულია ელჩის არყოლის გამო და იმ პერსპექტივით, რომ არსებული სიტუაცია გაგრძელდება 2019 წელსაც. სწორედ ამიტომ მთხოვეს, ხელმძღვანელის ფუნქცია შევასრულო, რაც ჩემთვის დიდი პატივია. იმედი მაქვს, რომ შემიძლია, კარგი რამ გავაკეთო შეერთებული შტატებისთვის, საქართველოსთვის და ჩვენი ურთიერთობისთვის,“ - განაცხადა როს უილსონმა.

გავლენიანი ამერიკული გამოცემა Foreign Policy სკანდალურ სტატიას აქვწყნებს.
გამოცემა ხმაურიანი სტატით საქართველოში აშშ-ის ელჩის თანამდებობაზე ბრიჯიტ ბრინკის კანდიდატურის განხილვას ეხმაურება.

გამოცემა წყაროზე დაყრდნობით წერს, რომ მთავრობა ბრინკის კანდიდატურას ბლოკავს, რადგან ის ყოფილი პრეზიდენტის მიხეილ სააკაშვილის მხარდამჭერია.

ვაშინგტონში ყოფილმა და მოქმედმა ხელისუფლების წარმომადგენლებმა გამოცემას შეატყობინეს, რომ საქართველოს მთავრობა უარს ამბობს გამოცდილი დიპლომატის ბრიჯიტ ბრინკის ელჩად დამტკიცებაზე.

სტატიაში არაოფიციალურ ინფორმაციაზე დაყრდნობით წერია, რომ ელჩის კანდიდატურა ბიძინა ივანიშვილმა დაბლოკა.