"იმ კატასტროფიულ ფონზე, რაც საქართველოში ხდება, სომხეთი ძალიან მალე გახდება რეგიონალური ლიდერი, იმ ერთადერთ სტატუსსაც დავკარგავთ"- გვარამია

პოლიტიკა - 20:04, 11 Dec, 2018

1925

"რუსთავი 2"-ის გენერალური დირექტორი ნიკა გვარამია, სომხეთში ჩატარებულ საპარლამემტო არჩევნებს აფასებს:

"უდიდესი და უმდიდრესი კულტურის ხალხია სომხები. უამრავი რამ არის, რისიც უნდა თეთრი შურით გვშურდეს, მაგალითად, მათი შრომისმოყვარეობის და ბიზნეს ალღოსი.

მაგრამ, გინდა 1918 წელი ავიღოთ, გინდა სსრკ-ს დაშლა, სომხეთი ყოველთვის ჩაბმული იყო საქართველოზე, რომელიც სულ მოვლენების ლიდერი ლოკომოტივი იყო. თანამედროვე ისტორიაში პირველად, სომხეთმა აირჩია ჩვენზე ასგზის პროგრესული, სიმპატიური და პერსპექტიული ლიდერი, ასევე პირველად ისტორიაში - ბევრად ცნობილი საერთაშორისო წრეებისთვის.

იმ კატასტროფიულ ფონზე, რაც საქართველოში ხდება, სომხეთი ძალიან მალე გახდება რეგიონალური ლიდერი და იმ ერთადერთ სტატუსსაც დავკარგავთ, რომლითაც სულ თავი მოგვქონდა მინიმუმ ბოლო 2 საუკუნეა"- წერს გვარამია.

სომხეთის რიგგარეშე საპარლამენტო არჩევნებში ნიკოლ პაშინიანის ბლოკმა დამაჯერებელი გამარჯვება მოიპოვა.

ხმების დათვლის პროცესი უკვე დასრულებულია. ცენტრალური საარჩევნო კომისიის ინფორმაციით, პრემიერის მოვალეობის შემსრულებლის საარჩევნო ბლოკს "ჩემი ნაბიჯი", ამომრჩევლების 70.4 %-მა დაუჭირა მხარი.