"მივაწვდინეთ ხმა, იმ სიბინძურეზე, რომელიც ტრიალებს სუს-ისგან ჩვენ მხარეს"

"მივაწვდინეთ ხმა, იმ სიბინძურეზე, რომელიც ტრიალებს სუს-ისგან ჩვენ მხარეს" - მაჩალიკაშვილები დიპლპმატებს შეხვდნენ

პოლიტიკა - 16:51, 11 Dec, 2018

903

დიმპლომატიური კორპუსი პანკისის ხეობაში ჩატარებული სპეცოპერაციის დროს მოკლული, თემირლან მაჩალიკაშვილის საქმით დაინტერესდა. დიპლომატებს ინფორმაცია დღეს EMC-მ და მოკლულის ოჯახმა გააცნო.

მალხაზ მაჩალიკაშვილმა დიპლპმატიური კორპუსის წარმომადგენლებს დეტალურად აუხსნა, როგორც სპეცოპერაციის დეტალები, ასევე მისი შვილის მკვლელობის შემდეგ განვითარებული მოვლენები.

ოჯახი პროტესტს გამოთქვამს, რომ სპეცოპერაციის შემდეგ კვლავაც არ აქვთ წვდომა საქმის მასალებზე.

თემირლან მაჩალიკაშვილის მამა, მალხაზ მაჩალიკაშვილი აღნიშნავს, რომ ამ დრომდე ოჯახის კითხვებს საგამოძიებო უწყებები უპასუხოდ ტოვებენ.

„შევეცადეთ ყველანაირად მიგვეწვდინა ის ხმა, რა სიბინძურე ტრიალებს სუს-ისგანმომართული ჩვენ მხარეს,“ - განაცხადა მალხაზ მაჩალიკაშვილმა.

თემირლან მაჩალიკაშვილის უდანაშაულობის დადგენას ითხოვს სპეცოპერაციის დროს გარდაცვლილი ახალგაზრდის დედა, მედიკო მარგოშვილი.

„აღიარონ, რომ არ იყო თემირლანი რამეში დამნაშავე და გავუზიარეთ სიმართლე, რაც არსებობდა თემირლანის მიმართ და გვაქვს იმედი, რომ ადვოკატების და ამ ორგანიზაციის მეშვეობით მივაღწევთ სიმართლეს,“ - აღნიშნა მედიკო მარგოშვილმა.

მარიამ კუბლაშვილის თქმით, დიპლომატური კორპუსის წარმომადგენლებმა მაჩალიკაშვილების საქმე პირადად ოჯახისგან მოისმინეს.

„იყო კითხვები დნმ-თან დაკავშირებით, ხომ არ ნიშნავს ის, რომ დნმ აღმოჩნდა ხელყუმბარაზე, ეს პირდაპირ რაიმე შემხებლობაში ან აუცილებლად ადასტურებს თემირლან მაჩალიკაშვილის ბრალეულობას,“ - ამბობს ადვოკატი.

ადამიანის უფლებების სწავლებისა და მონიტორინგის ცენტრის თანასწორობის პოლიტიკის პროგრამის დირექტორს, თამთა მიქელაძის თქმით, EMC ადამიანის უფლებათა ევროპული სასამართლოსთვის უკვე ამზადებს განაცხადს.

„ჩვენ რაიმე მოლოდინები, რომ პროკურატურას ეყოფა გამბედაობა, ნეიტრალიტეტი ამ საქმის გამოძიების, არ გვაქვს. EMC უკვე ამზადებს განაცხადს ადამიანის უფლებათა ევროპული სასამართლოსთვის. ეს იქნება მაჩალიკაშვილების საქმე საქართველოს წინააღმდეგ,“ - განაცხადა მიქელაძემ.