საქართველოში პური გაძვირდა - აღნიშნულის შესწავლას კი კონკურენციის სააგენტო იწყებს. ნოდარ ხადურის უწყების მოვალეობაა, გამოიძიოს არსებობს თუ არა ბაზარზე თანაბარ-კონკურენტული გარემო ყველა მწარმოებლისთვის და გაუწიოს მონიტორინგი არსებულ ვიტარებას:

„შევისწავლით როგორ ხორციელდება იმპორტი. არის თუ არა კონკურენციის შეზღუდვის ფაქტები. შევადარებთ იმპორტის ფასების დინამიკას საქართველოში საცალო ფასების დინამიკასთან და შემდეგ გამოჩნდება შიგნით რამდენი იყო იმპორტიორი, ახლა რამდენია. ანუ, არის თუ არა ბაზარზე რაიმე ტიპის შეზღუდვები რომელიმე მხრიდან, რომელმაც შესაძლებელია გავლენა მოახდინოს პურის ფასის არაეკონომიკურ ცვალებადობაზე. გამოვლინდება თუ არა დარღვევა, ამას მხოლოდ მონიტორინგი გვაჩვენებს,“-განაცხადა ნოდარ ხადურმა.