პარლამენტი მწვავე დებატების მოლოდინში - უმაღლეს საკანონმდებლო ორგანოში დღეს 2018-2019 წლის მთავარ საფინანსო დოკუმენტებს განიხილავენ.

2019 წლის ბიუჯეტის პროექტის განხილვის პარალელურად, კანონმდებლები ფინანსთა სამინისტროს წარმომადგენლებთან ერთად, მიმდინარე წლის ბიუჯეტში დაგეგმილი ცვლილებებზე იმსჯელებენ.

„ჩვენ გვაქვს უფრო მაღალი ეკონომიკური ზრდა ვიდრე დაგეგმილი იყო ბიუჯეტით, მაღალმა ეკონომიკურმა ზრდამ მოგვცა შესაძლებლობა, რომ გვქონოდა მაღალი შემოსავლები და შესაბამისად ჩვენ გვინდა, რომ ეს შემოსავლები გამოვიყენოთ იმისათვის, რომ ის გარკვეული პროექტები რაც გვაქვს, დაფინანსდეს 20019 წელსვე,“-განაცხადა ფინანსთა მინისტრის მოადგილე გიორგი კაკაურიძემ.

ოპოზიციის განცხადებით, ფული არამიზნობრივად იხარჯება:

„მიმდინარე წლის კორექტირებული ბიუჯეტის დამტკიცების შემდეგ პარლამენტში, მის ასათვისებლად დარჩება რამდენიმე დღე. ეს იმას ნიშნავს, რომ დაახლოებით 1 მილიარდი ლარის ხარჯები გადაიწევს უკვე 2019 წლისათვის. ეს უკვე დააწვება იმ წლის ბიუჯეტს და ბიუჯეტი იქნება არა 13 მილიარდი, არამედ 14 მილიარდი ლარი. ფაქტობრივად არის პერმანენტული ქაოსი საბიუჯეტო სფეროში,“-აცხადებს ენმ-ს წევრი რომან გოცირიძე.