"მეღვინეობა ხარებას“ ტურისტულ კომპლექს გვირაბში მცხეთის პირველი საერთაშორისო ART ფესტივალ - გზაჯვარედინის მონაწილეებს უმასპინძლეს. 

მხატვარ- ხელოვანებმა აშშ-დან, გერმანიიდან, ლიტვიდან, ყაზახეთიდან, ტაჯიკეთიდან და სხვა ქვეყნებიდან საგამოფენო ცენტრის ტერიტორიაზე გამართეს MASTER-CLASS - ს - სახატავ ფორმატებზე სახელდახელოდ შექმნეს საკუთარი ნამუშევრები. უკლებლივ ყველა ნახატი საჩუქრად „მეღვინეობა ხარებას“ წარმომადგენლებს გადაეცა. 

ფესტივალის მონაწილე ცნობილი ყაზახი მხატვარ კანატ იბრაგიმოვის თქმით: „ფესტივალი „გზაჯვარედინი“ უმნიშვნელოვანესი პროექტია სახელოვნებო სფეროში და მისი საზღვრები წლიდან-წლამდე ფართოვდება“. იბრაგიმოვის თქმით, ძალიან კარგია, რომ კერძო ბიზნესის წარმომადგენლები ინტერესს იჩენენ ნამდვილი ხელოვნების მიმართ, რისი დასტურიც ფესტივალისადმი „მეღვინეობა ხარებას“ ხელშეწყობაა. 

„მეღვინეობა ხარებას“ საზოგადოებასთან ურთიერთობის დეპარტამენტის ხელმძღვანელის, ირინა მაჩურიშვილის თქმით, კომპანიის დაინტერესება პროექტისადმი განაპირობა იმ ფაქტორმა, რომ ფესტივალი ერთგვარი სტიმულია ახალგაზრდა ხელოვანებისათვის. „როდესაც ესოდენ სახელიანი მხატვრები ჩამოდიან, ჩვენ ვალდებულადაც კი ვართ, რომ მათ ხელი შევუწყოთ. 

ვფიქრობ, ისინიც ძალიან კმაყოფილები დარჩნენ ჩვენთან სტუმრობით - ქართული ღვინო, ჩვენი ქვეყნის სამარკო ნიშანი, კონკრეტულად „მეღვინეობა ხარებას“ ღვინო, ჩვენ საჩუქრად გადავეცით მხატვრებს და ამითაც გავუსვით ხაზი, რომ ღვინო - კულტურის მნიშვნელოვანი ნაწილია“. ფესტივალი „გზაჯვარედინი“ 1 სექტემბერს დაიწყო ისტორიულ ქალაქ მცხეთაში და 14 სექტემბერს სვეტიცხოვლის მიმდებარე ტერიტორიაზე გამოფენით დასრულდება. დასკვნითი ღონისძიება - გამოფენა 16 საათზე გაიმართება.