"Foreign policy არ არის ოფიციალური ბეჭდვითი ორგანო... ეს შეიძლება მოდიოდეს ყოფილი ხელისუფლებიგან"

"Foreign policy არ არის ოფიციალური ბეჭდვითი ორგანო... ეს შეიძლება მოდიოდეს ყოფილი ხელისუფლებიგან" - მმართველი გუნდი სკანდალურ სტატიაზე

პოლიტიკა - 11:16, 11 Dec, 2018

906

"ქართული ოცნების" წევრი გია ვოლსკი, გავლენიანი ამერიკული გამოცემის, Foreign policy -ის სკანდალურ სტატიას ეხმაურება.

გამოცემა წერს, რომ აშშ-ის ელჩის თანამდებობაზე ბრიჯიტ ბრინკის კანდიდატურა ივანიშვილმა დაბლოკა.ვოლსკის შეფასებით, Foreign policy არ არის ოფიციალური სტრუქტურების ბეჭდვითი ორგანო... არც ქართული და არც ამერიკული ოფიციალური მხარე არ ადასტურებს რეალობას, რომ შესაძლოა, ქართულ მხარეს აქვს რესურსი და იმის ნება, რომ დაბლოკოს ამერიკის შეერთებული შტატების მიერ დანიშნული ელჩი, ან ნებისმიერი სხვა გადაწყვეტილება. ეს სტატია და ეს მოსაზრებები არ ვიცი რას ეყრდნობა, მაგრამ ძალიან შორს არის რეალობისგან. ეს შეიძლება მოდიოდეს ყოფილი ხელისუფლებისგან. ამერიკის შეერთებული შტატები ჩვენი პოლიტიკური პარტნიორია და არანაირი გაუგებრობა ნებისმიერ საკითხთან დაკავშირებით არ შეიძლება რომ არსებობდეს”, - განაცხადა გია ვოლსკიმ.

საპარლამენტო უმრავლესობის წევრები გამორიცხავენ, რომ ხელისუფლება ივანიშვილის მითითებით ბრინკის კანდიდატურას ბლოკავდეს. პარლამენტის იურიდიულ საკითხთა კომიტეტის თავმჯდომარის, ეკა ბესელია ამბობს,რომ ეს ძალიან არასერიოზული ბრალდებაა.

„ასე არ ხდება. ჩვენი სტრატეგიული პარტნიორის აშშ-ს მხრიდან ვინ იქნება წარგზავნილი დიპლომატიურ პოზიციაზე ასე იბლოკებოდეს ეს არის არასერიოზული განცხადება,“-ამბობს ბესელია.