საქართველოს პრეზიდენტმა და პირველმა ლედიმ ადამიანის უფლებების დაცვის დღესთან დაკავშირებით პრეზიდენტის სასახლეში მიღება გამართეს.

მიღებაზე საქართველოს პრეზიდენტმა ჰუმანური იდეების გავრცელებისა და ქვეყნის წინაშე აღმატებული ღვაწლისათვის ბრწყინვალების საპრეზიდენტო ორდენით რამდენიმე პირი დააჯილდოვა. მათ შორისაა ნიქოზისა და ცხინვალის მიტროპოლიტი, მეუფე ისაია (ჭანტურია)/

შეგახსენებთ, რომ მეუფე ისაიას 2008 წლის რუსეთ-საქართველოს აგვისტოს ომის დროს ნოქიზისა და ცხინვალის ეპარქია არცერთი წუთით არ დაუტოვებია და ბოლომდე მრევლის და იქ მცხოვრები ადამიანების გვერდით იდგა.

აი როგორ იხსენებდა ომის დღეებს ეპარქიის მმართველი მეუფე ისაია "აქ დარჩენილმა ქართულმა მოსახლეობამ სხვადასხვა სახის განსაცდელი გამოიარა.განსაცდელის პირველი ტალღა იყო,როცა ბრძოლები ჯერ კიდევ ჩვენგან მოშორებით მიმდინარეობდა,როცა გიშენდნენ ქვემეხებიდან,რაც ფსიქოლოგიურად მძიმე იყო...მერე განსაცდელის ახალი ტალღა მოიწია,გამოჩდნენ ბომბდამშენები,რომელთა ჭურვები აზანზარებდა აქაურობას,ეს შემზარავი სანახაობა იყო...ჩვენ სასწაულებრივად გადავრჩით,წირვის შემდეგ ყველანი ერთად სატრაპეზოში ვისხედით,ჩვენი სატრაპეზო ერთსართულიანი ნაგებობა იყო,მის გვერდით სენაკები გვქონდა.მარტო ამ ადგილას 12 ჭურვია ჩამოგდებული,სამონასტრო ნაგებობა მთლიანად დაიწვა."

ოსური მედია მეუფე ისაიას მოღვაწეობის შესახებ წერდა და უკმაყოფილებასაც გამოთქვამდა.

როგორც გაზეთ „რესპუბლიკასთან“ საუბრისას ოკუპირებული ახალგორისა და ცხინვალის ძალოვანი სტრუქტურების წარმომადგენელი ჰყვება, როდესაც მას მეუფე ისაიასთან გასაუბრების მცდელობა ქონდა, მიტროპოლიტმა მას „ოკუპანტი“ უწოდა და ტაძრის კარი ცხვირწინ მიუხურა.