საქართველოს იუსტიციის მინისტრის, თეა წულუკიანის განცხადებით, დღეს არც ერთი უცხოელის სახელზე სასოფლო სამეურნეო მიწა არ დარეგისტრირებულა:

"ვნებათაღლვა არის უადგილო, არ არის საჭირო ღია კარის მტვრევა და მითუმეტეს, ხელის შეშლა რიგითი მოქალაქეებისთვის.

როდესაც თბილისის იუსტიციის სახლში მოდის ათიათასამდე ადამიანი, ზოგს აქვს პასპორტი ასაღები და რამდენიმე საათში ფრენა აქვს, ზოგს გარდაცვალების რეგისტრაცია ეჩქარება, ზოგს სურს სამშობიაროში მიბრუნდეს მეუღლესთან და დაბადების მოწმობა ეჩქარება, ასეთ ადამიანებს, სამწუხაროდ, ხელი შეუშალა საპროტესტო აქციამ“, - განაცხადა თეა წულუკიანმა.

იუსტიციის სახლთან ძალადობრივი მოძრაობა „ართული მარშის“ წევრები და „პატრიოტთა ალიანსის“ წევრები დილის 9 საათიდან აქციას მართავენ. ისინი საკონსტიტუციო სასამართლოს იმ გადაწყვეტილებას აპროტესტებდნენ, რომლითაც საქართველოს მოქალაქეობის არ მქონე პირებს სასოფლო-სამეურნეო დანიშნულების მიწის ყიდვა შეუძლიათ.