გაერთიანებულმა ოპოზიციამ სასამართლოში სარჩელი სალომე ზურაბიშვილის რეგისტრაციიდან მოხსნის მოთხოვნით შეიტანა.

დოკუმენტში ნათქვამია, რომ 2018 წლის საპრეზიდენტო არჩევნები ჩატარდა ამომრჩევლის ტოტალური მოსყიდვის ფონზე, ამასთან კენჭისყრის დღემდე ცოტა ხნით ადრე 600 000 ადამიანისთვის პრობლემური სესხის ჩამოწერის დაპირება ასევე შეიცავდა მოსყიდვის ნიშნებს.

„16 დეკემბრამდე ანუ ინაუგურაციის ჩატარებამდე ეს ადამიანი განიხილება, როგორც კანდიდატი. თუ დადგინდება მოსყიდვის ფაქტი, ცესკოს კანონით აქვს ვალდებულება მოხსნას სალომე ზურაბიშვილი“-ამბობს „ნაციონალური მოძრაობის“ წევრი თინა ბოკუჩავა.