საქართველოს პრემიერ-მინისტრი მამუკა ბახტაძე „შაბათის კურიერში“ გასულ სიუჟეტს გამოეხმაურა და უპასუხა კითხვას იმასთანდ აკავშირებით, თუ რატომ უჩივლა საკუთარ დედას სასამართლოში. დღეს მამუკა ბახტაძე აცხადებს, რომ მას არანაირი ვალი არ გააჩნია. თუმცა ვალი პრემიერის ოჯახმა მხოლოდ 2017 წელს, ფინანსთა მინისტრის პოსტზე მის დანიშვნამდე ცოტა ხნით ადრე დაფარა.

"ისე, როგორც 10- ათასობით ოჯახს საქართველოში, ჩემს ოჯახსაც ჰქონდა ვალი და ეს ვალი არის გასტუმრებული.

გასტუმრებული იქნა ეს ვალი და ისე იქნა გასტუმრებული, რომ ეს რუსთავი2-მაც ვერ დამალა.

როცა ვსაუბრობთ სასამართლო დავაზე , ხელშეკრულებაში იყო სამართლებრივი ხარვეზი მოხდა ამის გასწორება და მოხდა ვალის გადახდა და ისტორია დაიხურა.

როდესაც მე დავიწყე საუბარი, ერთ-ერთ ყველაზე მტკივნეულ პრობლემაზე, ჭარბვალიანობაზე, კონკრეტულად. ამის გამომწვევ მიზეზებზე, ბუნებრივია, მე მქონდა მოლოდინი, რომ ჩვენი ოპონენტები და ის ძალები, რომლებიც არ არიან დაინტერესებული და ეწინააღმდეგებიან ყველანაირად იმისთვის რომ მოხდეს ახალი სამართლიანი თამაშის წესების დამკვიდრება, ისინი შეეცდებოდნენ სხვადასხვა უკაცრავად და სისულელეების მოტანაც.

რაც უფრო ხშირად იტყვიან, რომ ჩემს ოჯახს, მიუხედავად იმისა, რომ 15 წლის წინ მოხდა ამ სახლის შეძენა, რამე კავშირში აქვს ჩემს პოლიტიკურ მოღვაწეობასთან. ან მეზობლის მიწის ნაკვეთს მომაწერენ, ან მე შეიძლება ჩემი ოჯახის წევრებს ვუჩივლო, რომ ვალი არ გავისტუმრო და ასეთ საკითხებს, რაც უფრო მეტი დეზინფორმაცია წამოვა, ეს იქნება კარგი მაჩვენებელი, რომ ემ და ჩემი გუნდი ვალდებულებებს პირნათლად ვასრულებთ"-ამბობს ბახტაძე.

სკანდალური ისტორია 2011 წლის 23 სექტემბრიდან იწყება, როდესაც პრემიერის დედამ ორი მოქალაქისგან, ჯამში, 120 ათასი დოლარი ისესხა. ფულის დაბრუნების გარანტად კი გამსესხებლის სასარგებლოდ იპოთეკით მცხეთაში მამუკა ბახტაძის ოთხსართულიანი სახლი დატვირთა.