სამთავრობო ცვლილებები - აღნიშნულ საკითხს დღეს საქართველოს პრემიერ-მინისტრი გამოეხმაურა. ბახტაძის თქმით, ის მოხარული იქნება, რომ მაია ცქიტიშვილისნაირი ბევრი ადამიანი ჰყავდეთ მმართველობით სტრუქტურებში.

„თუ შეხედავთ პროექტების სტრუქტურას და შინაარსს, რაც ხორციელდება მაია ცქიტიშვილის მინისტრობის შემდეგ, ძალიან ხელშესახები გაუმჯობესება გვაქვს ყველა მიმართულებით. პროექტების ნაწილი, რომელიც ახლა იწყება, არის ძალიან კომპლექსური საინჟინრო თვალსაზრისით. მათ შორის, უღელტეხილის მონაკვეთი არის ერთ-ერთი ყველაზე რთული გეოგრაფიული არეალი საქართველოში, შესაბამისად, გარკვეული ტიპის ჩამორჩენები პროექტში, ობიექტურად მოსალოდნელი იყო. მე პირადად, ძალიან მოხარული ვიქნები, რომ მაიასნაირი ბევრი ადამიანი გვყავდეს მმართველობით სტრუქტურებში და თან ასეთი ეფექტურები“, - აღნიშნა მამუკა ბახტაძემ.