„ჩვენ ვემზადებით ხელისუფლებაში მოსასვლელად... 16 დეკემბერს რას ვაპირებთ, ნახავთ 16 დეკემბერს“

პოლიტიკა - 13:45, 10 Dec, 2018

3469

გეგმები გვაქვს ძალიან მწყობრი, რათა გამარჯვებამდე მივიდეს ეს ბრძოლა - ამის შესახებ ჟურნალისტებს განუცხადა გაერთიანებული ოპოზიციის ერთერთმა ლიდერმა გიორგი ვაშაძემ იმასთან დაკავშირებით თუ რას აპირებს 16 დეკემბერს გაერთიანებული ოპოზიცია.

„ჩვენ გვაქვს ძალიან მაგარი და ფანტასტიური გეგმები. მხარს გვიჭერს აქტიური ნაწილი საქართველოს მოსახლეობის, რომელმაც წნეხის, ზეწოლის და დაშინების მიუხედავად ეს არჩევანი გააკეთა. ეს არჩევანი იყო საფუძველი იმის, რომ ჩვენ ვემზადებით ხელისუფლებაში მოსასვლელად. ეს არის უბრალოდ დროის საკითხი, თუ რამდენ ხანში მოხდება ეს ყველაფერი. თქვენს წინაშე დგას საქართველოს მომავალი მთავრობა, რომელიც რეალურად იბრძოლებს ქვეყნის განვითარებითვის. ჩვენ კარგად გვაქვს გააზრებული რა არის გასაკეთებელი იმისთვის, რომ ფუნდამენტური პრობლემები ქვეყანაში ერთხელ და სამუდამოდ მოიხსნას. 16 დეკემბერს რას ვაპირებთ, ნახავთ 16 დეკემბერს. გეგმები გვაქვს ძალიან მწყობრი, რათა გამარჯვებამდე მივიდეს ეს ბრძოლა“, - განაცხადა ვაშაძემ.

რაც შეეხება „ნაციონალური მოძრაობის“ წევრის, სალომე სამადაშვილის უარყოფით პოზიციას პრეზიდენტის ინაუგურაციის პარალელურად ოპოზიციის აქციის გამართვასთან დაკავშირებით, ვაშაძის თქმით, მრავალფეროვნება სწორედ განსხვავებული აზრის პატივისცემაში მდგომარეობს.

„ეს არის ჩვენი მრავალფეროვნება, ადამიანებს აქვთ განსხვავებული აზრი. ზოგს დიდი პროფესორობა უყვარს, ზოგს უყვარს პრაგმატული იყოს, ზოგს სხვადასხვა გემოვნება აქვს. ნუ ქმნით რაღაც განსაკუთრებულს, ჩვენ ერთად ვართ, ერთად ვიბრძვით და აუცილებლად გავიმარჯვებთ, რადგან სიმართლე არის ჩვენს მხარეს“, - აღნიშნა ვაშაძემ.