„დაუშვებელია ასეთი რამ ხდებოდეს ქვეყანაში, რომელსაც პრეტენზია აქვს ევროკავშირის წევრობაზე“ - გაერთიანებული ოპოზიცია ზუგდიდის მე-6 სკოლის დირექტორის გარდაცვალების ფაქტზე

პოლიტიკა - 12:50, 10 Dec, 2018

336

გაერთიანებული ოპოზიცია კიდევ ერთხელ ეხმაურება ზუგდიდის მე-6 საჯარო სკოლის დირექტორის გარდაცვალებას. დღეს გამართულ ბრიფინგზე გიორგი ვაშაძემ განაცხადა, რომ აუცილებელია მომხდარის გამოძიება, რაშიც საზოგადოება აქტიურად იქნება ჩართული:

„გვინდა, ჩვენი სამძიმარი კიდევ ერთხელ გამოვუცხადოთ ოჯახს ია კერძაიას გარდაცვალებასთან დაკავშირებით, ეს არის, მართლაც, ენით აღუწერელი ტრაგედია, რომელზეც საუბრობს მთელი საქართველო, მე გამოვთქვამ იმედის, საზოგადოების თითოეული წევრი დადგება ბაჩანა შენგელიასა და მთელი ოჯახის გვერდით, ამ საქმის დეტალურად შესწავლასთან დაკავშირებით, თუ ჩვენ გვინდა, რომ შევდგეთ, როგორც სახელმწიფო, როგორც დემოკრატიული საზოგადოება, აუცილებელია, ყველა ასეთ ფაქტს ჰქონდეს რეაგირება სამოქალაქო საზოგადოების მხრიდან, თითოეული ჩვენგანის მხრიდან იმიტომ, რომ დაუშვებელია მსგავის რამ ხდებოდეს 21-ე საუკუნეში, ქვეყანაში, რომელსაც პრეტენზია აქვს ევროკავშირის წევრობაზე და ქვეყანაში, რომელსაც პრეტენზია აქვს დემოკრატიის განვითარებაზე“, - განაცხადა გიორგი ვაშაძემ.