პედაგოგების პოლიტიკური ნიშნით დევნა - ოპოზიცია არსებულ კითხევბზე პასუხის გაცემას განათლებისა და შს მინისტრისგან მოითხოვენ, რომლებსაც პარლამენტშ იბარებენ. ოპოზიცია საარჩევნო პერიოდში მასწავლებლებზე განხორციელებულ ზეწოლაში მიხეილ ბატიაშვილთან ერთად გიორგი გახარიას პასუხისმგებლობის დაყენებასაც ითხოვს.

„ამ შემთხვევაში, განათლების სამინისტრო რეაგირებს ძალიან სწრაფად, როდესაც ხორავას ქუჩაზე მომხდარი ტრაგედიასთან დაკავშირებით დღემდე არ არსებობს გამოძიება და საპარლამენტო კომისიას ჰქონდა რეკომენდაცია, რომ ამ აუდიტის სამსახურის უფროსი გაეთავისუფლებინა ამის გამო სამსახურიდან. რატომ არ არის გათავისუფლებული აუდიტის სამსახურის უფროსი დღემდე, როდესაც იყო რეკომენდაცია და როდემდე უნდა ჰყავდეს ინსპექტორი წამალაშვილი, რომელიც ასრულებს პოლიტიკურ დავალებებს,“ - განაცხადა რატიანმა.

სამეგრელოში საარჩევნო პროცესებში ძალოვანი უწყებების პირველი პირების აქტიურ მონაწილეობაზე ამახვილებს ყურადღებას "ედპ"-ის ლიდერი, ბაჩუკი ქარდავა.

„ჩვენ არა მხოლოდ განათლების მინისტრის სახელს ვაყენებთ და იმ ადამიანების, რომელმაც განახორციელა უკანონო შემოწმება და განახორციელა კონკრეტულად ზეწოლა ქალბატონ კერზაიაზე, არამედ აუცილებლად უნდა დადგეს შს მინისტრის პასუხისმგებლობის საკითხი,“ - განაცხადა ქარდავამ.