საქართველოში ევროკავშირის წარმომადგენლობის ხელმძღვანელი, კარლ ჰარცელი, რომელმაც უფლებადამცველთა საერთაშორისო დღისადმი მიძღვნილ ღონისძიებაში მიიღო მონაწილეობა, საუბრისას საქართველოში ჩატარებულ საპრეზიდენტო არჩევნებს შეეხო.

„რაც შეეხება არჩევნებს, ბევრი კომენტარი გავაკეთე ამ თემაზე. ვფიქრობ ნათელია, რომ არჩევნების შემდეგ მნიშვნელოვანია იმ გამოძიებების დასრულება, რომელიც ჯერ კიდევ მიმდინარეობს, მაგრამ სამომავლო პერსპექტივიდან კიდევ უფრო მნიშვნელოვანია, რომ ყველა მხარის ჩართულობით ვიმუშაოთ იმ ხარვეზების გამოსასწორებლად, რაც ეუთოსა და სხვა დამკვირვებლების მიერ იქნა აღიარებული,“ - განაცხადა კარლ ჰარცელმა.