თბილისის საერთაშორისო კინოფესტივალზე, ევროკავშირმა გასცა პრიზი "ადამიანის უფლებები კინოში

თბილისის საერთაშორისო კინოფესტივალზე, ევროკავშირმა გასცა პრიზი "ადამიანის უფლებები კინოში - 2018"

კულტურა - 15:53, 09 Dec, 2018

1853

უკვე მეორე წელია, რაც თბილისის საერთაშორისო კინოფესტივალისფარგლებში, ევროკავშირის წარმომადგენლობა საქართველოში გასცემს პრიზს "ადამიანის უფლებები კინოში". აღნიშნული პრიზი დაწესდა ადამიანის უფლებების დღესთან დაკავშირებით, რომელიც ყოველწლიურად 10 დეკემბერს აღინიშნება.

გამარჯვებული ფილმი, "გოგონა", რომლის რეჟისორია ლუკას დონტი, შეირჩა ადამიანის უფლებების თემაზე წარმოდგენილი შვიდი ფილმიდან. ჟიურიში წარმოდგენილნი იყვნენ საქართველოს სახალხო დამცველის აპარატი, ადამიანის უფლებათა დამცველი (Human Rights Watch), ევროკავშირის წარმომადგენლობა საქართველოში და ცნობილი ქართველი კინოკრიტიკოსი.

ევროკავშირის მიერ დაწესებული პრიზის, "ადამიანის უფლებები კინოში" გადაცემისას, ევროკავშირის ელჩმა საქართველოში, კარლ ჰარცელმა აღნიშნა: "ევროკავშირი სიამაყით გადასცემს კიდევ ერთ, ევროკავშირის პრიზს "ადამიანის უფლებები კინოში" თბილისის საერთაშორისო ფესტივალზე. ადამიანის უფლებათა პატივისცემა ევროკავშირის ერთ-ერთი ძირითადი ღირებულებაა. ნება მომეცით, მივულოცო ამ წლის გამარჯვებულ ფილმს, "გოგონა"-ს, ადამიანის უფლებების არსებული თემის და ნამდვილი პირადი ამბის ნათლად წარმოჩენისათვის."

ანჯელო ტისენსმა, გამარჯვებული ფილმი "გოგონა"-ს თანაავტორმა, რომელმაც მიიღო პრიზი ფილმზე მომუშავე ჯგუფის სახელით, აღნიშნა: "ჩვენ გაგვიმართლა, რომ შევძელით გადაგვეღო ფილმი ერთი ტრანსგენდერი გოგონას შესახებ. ბევრ ადამიანს მსოფლიოში, რომელიც განსხვავებულია ან განსხვავებულად ფიქრობს, დევნიან ან უარეს პირობებს უქმნიან. კინემატოგრაფია თანაგრძნობის გამოხატვის კარგი საშუალებაა, რაც ეხმარება ადამიანებს გაუგონ სხვას, ვინც არ არის "მათი მსგავსი".