"დისკრიმინაციული ნიშნით დევნა" - ბაჩანა შენგელია განათლების მინისტრის და ინსპექტირების ჯგუფის წევრების დასჯას ითხოვს

პოლიტიკა - 11:02, 09 Dec, 2018

3293

ზუგდიდის მე-6 საჯარო სკოლის დირექტორი ია კერზაია გარდაიცვალა. ის ქუთაისის ინტერვენციული მედიცინის ცენტრში რეანიმაციულ განყოფილებაში ინსულტის დიაგნოზით იყო მოთავსებული. ექიმებმა მისი გარდარჩენა ვერ შეძლეს.

ია კერზაიას შვილი, ბაჩანა შენგელია, განათლების მინისტრის მიხეილ ბატიაშვილის, ინსპექტირების ჯგუფის ხელმძღვანელისა და წევრების დასჯას ითხოვს.

მისი თქმით, ხელმძღვანელი და წევრები. სწორედ მათი მხრიდან განხორციელებული ზეწოლის გამო მოხდა ია კერზაიას ჯანმრთელობის მდგომარეობის გაუარესება. ბაჩანა შენგელია საგამოძიებო უწყებებს რეაგირებისკენ მოუწოდებს და მიმართვას არასამთავრობო სექტორს, დიპლომატიურ უწყებებს, რომ მომხდარით დაინტერესდნენ.

„ვინაიდან სახეზე გვაქვს უკვე დასრულებული დანაშაული მათი მხრიდან, განათლების სამინისტროს მაღალი თანამდებობის პირველი პირიდან დაწყებული რამდენიმე პირის მიერ ჩადენილი დანაშაული, დასრულებული დანაშაული, ეს არის უფლებამოსილების გადამეტება და ადამიანის დისკრიმინაციული ნიშნით დევნა, სრული ამ სიტყვის მნიშვნელობით, რამაც ეს შედეგი მოგვიტანა და აუცილებლად დავაყენებთ მათი პასუხისმგებლობის და მათ მიმართ, ასე ვთქვათ, ბრალის წარდგენის ყველა საფუძველს. წარვადგენთ ყველანაირ დოკუმენტაციას და მოვითხოვთ, რომ ეს ადამიანები დაისაჯონ უმკაცრესად, ვინაიდან მიიღეს ამ ერთ ორგანიზებულ დანაშაულში მონაწილეობა,“ - აცხადებს ბაჩანა შენგელია.