საგანგაშო სტატისტიკა: 77 დაშავებული და 35 გარდაცვლი- ომბუდსმენი შრომის ინსპექტირებასა და სანქცირების მექანიზმის ამოქმედებას ითხოვს

პოლიტიკა - 12:48, 07 Dec, 2018

968

სახალხო დამცველის 2018 წლის ანგარიშში მოხვდა შრომითი უსაფრთხოების ირგვლივ არსებული პრობლემები.
ომბუდსმენის დასკვნით, 2018 წლის გაზაფხულზე შრომის უსაფრთხოების ახალი ნორმები ამოქმედდა, თუმცა, ეს არ არის საკმარისი, ვინაიდან სტატისტიკა შემაშფოთებელია.

სახალხო დამცველის ინფორმაციით, ამ დროის მონაცემებით 77 ადამიანი დაშავდა შრომითი საქმიანობის განხორციელების დროს და აქედან 35 ადამიანი გარდაიცვალა.

„2018 წელს კვლავ მძიმეა ქვეყანაში შრომის უსაფრთხოების კუთხით არსებული მდგომარეობა. მხოლოდ წლის პირველ ნახევარში შრომითი მოვალეობების შესრულებისას დაშავდა 77 და გარდაიცვალა 35 ადამიანი. 2018 წლის მარტში მიღებულ იქნა კანონი „შრომის უსაფრთხოების შესახებ“, რომელიც ითვალისწინებს შრომის საერთაშორისო ორგანიზაციის სტანდარტით დადგენილ რიგ ფუნდამენტურ პრინციპებს და ქმნის შრომის უსაფრთხოების მხრივ არსებული ვალდებულებების აღსრულების მექანიზმს. თუმცა, მისი მოქმედება ვრცელდება მხოლოდ მძიმე, მავნე და საშიშ პირობებიან სამუშაოებზე. ამასთან, ზედამხედველ ორგანოს არ აქვს დამსაქმებელთან უპირობოდ დაშვების მანდატი.

საერთაშორისო სტანდარტებით შრომის უსაფრთხოების უზრუნველსაყოფად აუცილებელია სანქცირების მექანიზმით აღჭურვილ შრომის ინსპექტორებს ქონდეთ უფლება თავისუფლად და წინასწარი შეტყობინების გარეშე, დღის ან ღამის ნებისმიერ მონაკვეთში შევიდნენ ინსპექტირებას დაქვემდებარებულ ნებისმიერ სამუშაო ადგილზე და მოიკვლიონ. დადებითად უნდა შეფასდეს, საქართველოს პარლამენტში „შრომის უსაფრთხოების შესახებ“ საქართველოს ორგანული კანონის პროექტის ინიცირება, რომელიც ზემოაღნიშნულ ფუნდამენტურ პრინციპებს ითვალისწინებს. კანონპროექტი პირველი მოსმენით მიღებულ იქნა 31 ოქტომბერს, თუმცა მეორე მოსმენით მისი განხილვა არ დაწყებულა. სახალხო დამცველი კიდევ ერთხელ უსვამს ხაზს აღნიშნული კანონის დროულად მიღებისა და ამოქმედების მნიშვნელობას“- აღნიშნავს სახალხო დამცვალი.