"გმირობა არ დაწყებულა 2008 წლიდან"- გუგეშაშვილი სკოლაში ახალი საგნის შეტანის გამო იზორია-ჩხენკელი-სესაიშვილის გადადგომას მოითხოვს

პოლიტიკა - 12:04, 07 Dec, 2018

1393

საერთაშორისო ასოციაცია „დაიცავი შენი წილი სამშობლოს“ თავმჯდომარე დოდო გუგეშაშვილი სკოლებში რუსეთ-საქართველოს 2008 წლის ომის ისტორიის საგნის შეტანას გამოეხმაურა. გუგეშაშვილი მიიჩნევს, რომ აღნიშნული წიგნი ანტისახელმწიფოებრივია, რომელიც საქართველოს ისტორიას აყალბებს. ის თავდაცვისა და განათლების მინისტრებს, ასევე უშიშროების კომიტეტის თავმჯდომარეს ანტისახელმწიფოებრივ ქმედებებში ადანაშაულებს და მათ გადადგომას ითხოვს:

„თვლით, რომ ეს წიგნი არის ანტისახელმწიფოებრივი, რომელიც საქართველოს ისტორიას აყალბებს.

13 თვე და 13 დღე მიმდინარეობდა აფხაზეთში რუსეთ-საქართველოს ომი, იყო გმირობის უამრავი მაგალითი, რასაკვირველია იყო გმირობის უამრავი მაგალითი 2008 წელს, არ შეიძლება გმირი ბიჭების შედარება ისევე როგორც არ შეიძლება გმირობის შედარება.

თავდაცვისა და განათლების სამინისტროები ანტისახელმწიფოებრივ ქმედებას ეწევა და ჩრდილავს13 თვისა და 13 დღის მანძილზე მიმდინარე რუსეთ-საქართველოს მიმდინარე ომს აფხაზეთში., ამიტომ ჩემი და ჩემი არასამთავრობო ორგანიზაციის დამოკიდებულებაა გადადგეს თავდაცვის მინისტრი მოადგილეებითურთ, გადადგეს განათლების მინისტრი მოადგილეებითურთ, გადადგეს თავდაცვისა და უშიშროების კომიტეტის თავმჯდომარე, რამეთუ გაგებაში არ არიან, რომ საქართველოში გმირობა და გმირი ბიჭების მაგალითები არ დაწყებულა 2008 წლიდან.“- განაცხადა გუგეშაშვილმა.